ABŞ YUNESKO-dan çıxıb
ABŞ YUNESKO-dan çıxdığını elan edib.
1news.az APA-ya istinadən xəbər verir ki, ABŞ Dövlət Departamenti bu barədə qərarı qurumun baş direktoru İrina Bokovaya bildirib.
Dövlət Departamentinin məlumatda bildirilir ki, ABŞ 31 dekabr 2018-ci ilə qədər YUNESKO-da işinə davam edəcək, ondan sonrakı dövrdə isə sadəcə müşahidəçi missiyasını yerinə yetirəcək.
Öz növbəsində, İ. Bokova ABŞ-ın bu qərarından təəssüfləndiyini qeyd edib.
Qeyd edək ki, Fələstin 2011-ci ildə YUNESKO-ya tamhüquqlu üzv qəbul olunub. ABŞ buna etiraz olaraq YUNESKO-nun maliyyələşdirilməsini dayandırıb.
2016-cı ilin payızında isə YUNESKO İcraiyyə Komitəsi Fələstin və Misirin təklif etdiyi, yəhudi xalqının Yerusəlimdəki məşhur "Əl-Aksa" məscidinə ("Məbəd dağı") aiddiyyəti olmadığına dair qətnaməni qəbul edib.
ABŞ-ın YUNESKO-dakı nümayəndəsi isə bu qətnaməyə qarşı çıxıb.
ABŞ-ın "Foreigh Policy" nəşri bir neçə gün əvvəl ABŞ-ın antiisrail qətnamələrinə etiraz olaraq YUNESKO-dan çıxacağını elan edəcəyini yazmışdı.
1news.az
