Somalidə partlayış qurbanlarının sayı 231 nəfərə çatıb - YENİLƏNİB
Dünən Somalinin paytaxtı Moqadişoda “Safari” otelinin qarşısında törədilən partlayış nəticəsində ölənlərin sayı 231 nəfərə çatıb.
Bu barədə “Hürriyet” qəzeti Somali informasiya naziri Abdullah Ömərə istinadən məlumat yayıb.
Xəstəxanalarda 275 yaralı var.
16.24
Dünən Somalinin paytaxtı Moqadişoda “Safari” otelinin qarşısında törədilən partlayış nəticəsində ölənlərin sayı 189 nəfərə çatıb, 200 nəfər yaralanıb.
Bu barədə “ i24 News” telekanalı Somali polisinə istinadən məlumat yayıb.
Qeyd edək ki, bundan öncə partlayış nəticəsində 85 nəfərin öldüyü, 250 nəfərin yaralandığı bildirilmişdi.
14.35
Somalinin paytaxtı Moqadişoda baş verən partlayışda ölənlərin sayı 85-ə yüksəlib, 250 nəfər isə yaralanıb.
1news.az-ın RİA Novosti-yə istinadla verdiyi xəbərə görə, ölkədə üç günlük matəm elan olunub.
Qeyd edək ki, ötən gün şəhərin küçələrindən birində partlayıcı maddə dolu yük maşını partladılıb. Yerli mətbuat isə iki avtomobilin partladıldığını bildirir. Əvvəlcə 40 nəfərin öldüyü barədə məlumat yayılmışdı.
S.Xankişiyeva
