Filippin prezidenti Trampın tələbi ilə mahnı oxudu – VİDEO

Filippin prezidenti Rodriqo Duterte Cənub-Şərqi Asiya Dövlətləri Assosiasiyasının (ASEAN) 31-ci sammitinin qala gecəsində mahnı oxuyub.

1news.az-ın Rusiya mətbuatına istinadən verdiyi xəbərə görə, Filippin lideri ABŞ-ın dövlət başçısı Donald Trampın istəyi ilə səhnəyə çıxıb və Pilit Korraleslə birgə mahnı ifa edib.

İfadan sonra Duterte  “Xanımlar və cənablar! Mən Birləşmiş Ştatların ali baş komandanının tələbi ilə oxudum” deyə sammit iştirakçılarına müraciət edib.

Qeyd edək ki, Filippinin paytaxtı Manilada keçirilən ASEAN-ın iclası noyabrın 10-da başlayıb. Sabah işini yekunlaşdıracaq iclasda 20 ölkənin dövlət və hökumət başçısı, eləcə də BMT-nin baş katibi Antoniu Quterreş iştirak edir.

Babək Cahandarov