Fərhad Məmmədov: Azərbaycan üçün Ermənistan-Türkiyə sərhədinin bağlanması çox əhəmiyyətlidir – VİDEO

İyunun 5-də Tbilisidə Azərbaycan Respublikasının Prezidenti yanında Strateji Araşdırmalar Mərkəzi və Gürcüstanın Strateji Araşdırmalar üzrə Rondeli Fondunun, eləcə də Türkiyə Xarici İşlər Nazirliyinin Strateji Araşdırmalar Mərkəzinin birgə təşkilatçılığı ilə “Azərbaycan-Gürcüstan-Türkiyə: Üçtərəfli əməkdaşlığın qlobal və regional deteminantları” mövzusunda beynəlxalq konfrans keçirilib.

1news.az-ın verdiyi xəbərə görə, konfrans iştirakçılarından biri Azərbaycan Respublikasının Prezidenti yanında Strateji Araşdırmalar Mərkəzi direktoru Fərhad Məmmədov olub.

Tbilisiyə səfəri zamanı F.Məmmədov STV telekanalından yayımlanan “Sərhəd zonası” verişilişinə dəvət alıb. Verilişdə Suriyada erməni lobbisi, Dağlıq Qarabağ münaqişəsi, eləcə də ABŞ, Rusiya və Gürcüstan münasibətləri müzakirə olunub.

Müsahibə zamanı verilən suallardan biri 2011-ci ildə Rusiya ilə Gürcüstan arasında imzalanan Gürcüstanın separatçı regionları – Abxaziya və Cənubi Osetiya ilə bağlı “Ticarət dəhlizləri haqqında” müqavilə ilə əlaqədar olub.

 “Azərbaycanda Gürcüstanla Rusiya arasında baş verən diskussiyalar diqqətlə izlənilir. İlk növbədə Gürcüstanın ərazi bütövlüyünün necə həll olunacağı məsələsi diqqət mərkəzindədir. Bu, ən vacib məqamdır”, - deyə F.Məmmədov bildirib.

F.Məmmədov Azərbaycan ərazisinin bir hissəsinin ermənilər tərəfindən işğalı ilə bağlı ölkəmizin Ermənistanı bir çox layihələrdən təcrid etməsi məsələsinə aydınlıq gətirərək bildirib ki, Azərbaycan Dağlıq Qarabağ münaqişəsinin nizamlanması və işğal olunmuş torpaqların qaytarılması şərtilə qapıları açıq saxlayır:

“Bu məsələdə Azərbaycan Türkiyəni dəstəkləyir. Azərbaycan üçün bu dəstək Ermənistan-Türkiyə sərhədinin bağlanmasıdır. Bu, daha çox əhəmiyyətlidir”.

Tərcümə: S.Xankişiyeva