BƏƏ səfirliyi Yəmənin Hodeyda şəhərindəki hərbi əməliyyatlara dair bəyanat yayıb
Birləşmiş Ərəb Əmirliklərinin (BƏƏ) Azərbaycandakı səfirliyi Yəmənin Hodeyda liman şəhərindəki hərbi əməliyyatlarla bağlı bəyanat yayıb.
1news.az-a daxil olan bəyanatda deyilir ki, Ərəb koalisiyasının Yəmənə müdaxiləsi, eləcə də Hodeyda ətrafında gedən əməliyyatlar qanuni Yəmən hökumətinin xahişinə əsaslanır və böhrana dair BMT Təhlükəsizlik Şurasının 2216, 2204, 2201, 2140 saylı qətnamələri daxil olmaqla, qurumun bütün müvafiq qətnamələrinə uyğundur.
Hodeydanı azad etmək üçün olan Ərəb koalisiyası əməliyyatları Yəmənin qanuni hökumətinə strateji limanda təhlükəsizlik və sabitliyi bərpa etmək, ölkədə humanitar böhranı yüngülləşdirmək və siyasi prosesdəki vəziyyətdən çıxış əldə etmək məqsədini daşıyır.
Bəyanatda vurğulanıb ki, husi qıyamçıları Hodeyda limanından Səudiyyə şəhərlərini hədəf almaq məqsədilə İran silahlarını və ballistik raketlərini ölkəyə qaçaqmalçılıqla gətirmək üçün istifadə edərək, eləcə də limanın gəlirlərindən özlərinin davam edən amansız kampaniyalarını maliyyələşdirmək üçün sui-istifadə edərək, Hodeyda limanını müharibəni və Yəmən xalqının iztirabını uzatmaq üçün istismar ediblər.
Husilərin limanı pis idarə etməsi və humanitar ehtiyatları tutub saxlamaları Yəməndə humanitar vəziyyətə faciəvi şəkildə təsir edib. Koalisiyanın yardım yükləri tez-tez qiyamçılar tərəfindən müsadirə edilib və qara bazara yönəldilib. Bu, koalisiyanın humanitar böhranı yüngülləşdirmək məqsədi daşıyan öhdəliyini poza bilməyib.
Bir ildən çoxdur ki, BMT-nin Hodeyda məsələsinin həlli üzrə danışıqlar aparmaq səyləri davam edərkən, husilər BMT elçisi Martin Qriffisin limanı BMT rəsmilərinə təslim etmək üçün etdiyi ən son əzmi də daxil olmaqla, BMT elçisinin limanı vermək təkliflərinə təkrar-təkrar etiraz ediblər.
Husilərin siyasi həll yolunu qəbul etməməsi işığında, ərəb koalisiyasının günahsız yəmənli mülki əhalini qorumaq və yardım yüklərinə təhlükəsiz yol təmin etmək məqsədilə hərbi həll yolu ilə getməkdən başqa seçimi qalmadı.
Ərəb koalisiyası limanın azad edilməsinin ölkəyə ən çox ehtiyac duyulan humanitar yardımın həcminin artmasına təxirəsalınmaz təsir edəcəyini təmin etmək üçün beynəlxalq ictimaiyyətlə iş birliyinə sadiq qalır. Ərəb koalisiyası, həmçinin, azad olunmuş ərazilərdə Yəmən xalqının təxirəsalınmaz və uzun müddətli humanitar ehtiyaclarına cavab vermək məqsədilə Hodeyda şəhəri üçün hərtərəfli humanitar plan başlayıb.
Ərəb koalisiyası BMT-yə və digər qeyri-hökumət təşkilatlarına planlaşdırdığı fəaliyyət barədə məlumat verib, onların heyətinin vaxtından əvvəl Hodeydadan təhlükəsiz keçidini təmin edib.
Bəyanatda o da qeyd edilib ki, husi qiyamçılarından limanın geri alınması problemi siyasi həll yoluna daşımaq, BMT-nin danışıqlarına təkan vermək məqsədini daşıyır:
"Limanın səmərəliliyini artırmaqla və husi qiyamçıları tərəfindən yardımı ödəməyə artıq nəzarət olunmayacağını və sui-istifadə edilməyəcəyini təmin etməklə Hodeydanın azad edilməsi Yəmən xalqının ehtiyaclarının yüngülləşməsinə xidmət edəcək və böhranın uzun müddətli həllini tapmaq üçün yeni təkanı təmin edəcək".
P.Sultanova
