Paşinyan xalqı yenə meydana çağırdı
Küçə aksiyalarından baş nazir kreslosuna əyləşən Nikol Paşinyan erməni xalqını yenidən mitinqə çağırıb.
1news.az xəbər verir ki, Paşinyan “Facebook” vasitəsilə aksiyalar üçün darıxdığını etiraf edib və hesabat vermək üçün insanlar; meydana toplaşmağa dəvət edib:
“Mənim baş nazir vəzifəsinə gəlməyimin 100 günü tamam olur, 17 avqust 18:30-da Respublika meydanında böyük mitinq keçirməyi təklif edirəm".
Paşinyan son 100 gündə Ermənistanda baş verənlər, atılacaq sonrakı addımlar, ölkənin inkişafı üçün hökumətin görəcəyi işlər barədə danışmaq istədiyini deyib:
"Bu, çox vacib bir hadisədir, sabit inkişafın təməlini qoymaq, eləcə də qarşılaşdığımız problemləri müzakirə etmək üçün hər kəsin iştirakı zəruridir".
Xatırladaq ki, Nikol Paşinyan mayın 8-də Ermənistanın baş naziri seçilib.
P.Sultanova
