Ermənistanın sabiq baş nazirinin sürücüsünə ittiham elan edilib
Ermənistanın keçmiş baş naziri Ovik Abramyanın sürücüsü Ambik Qevorkyana ittiham elan olunub.
1news.az erməni mətbuatına istinadla xəbər verir ki, bu barədə Ermənistanın Xüsusi İstintaq Xidməti məlumat yayıb.
Ambik Qevorkyana qanunsuz silah saxlama maddəsi üzrə cinayət işi açılıb və barəsində yaşadığı ərazini tərk etməməklə bağlı qətimkan tədbiri seçilib.
Qeyd edək ki, 6 və 7 avqust tarixlərində 1 mart 2008-ci il hadisələri ilə bağlı Ambik Qevorkyanın adına qeydiyyata alınmış keçmiş mexaniki-təmir zavodunda üç yüngül pulemyot, 7 avtomat, 2 SVD, 3 silah, 2 ədəd tapança və çox sayda patron, digər silah-sursat aşkar edilib.
Qanunsuz silah-sursat alınması və saxlanılması şübhəsi ilə Ambik Qevorkyan və sabiq baş nazirin qardaşı Henrix Abramyan nəzarətə götürülüb. Daha sonra H.Abramyan həbs edilib.
P.Sultanova
