Ermənistan XİN-dən yeni Xaçaturov açıqlaması

Ermənistan Kollektiv Təhlükəsizlik Müqaviləsi Təşkilatının (KTMT) baş katibinin dəyişməsi təşəbbüsü ilə çıxış edib, yekun qərar isə qurumda razılıq əsasında qəbul ediləcək.

1news.az xəbər verir ki, bunu Ermənistan Xarici İşlər Nazirliyinin mətbuat katibi vəzifəsini icra edən Anna Naqdalyan deyib.

Onun sözlərinə görə, hazırda təşkilatın müxtəlif platformalarında məsələ ilə bağlı müzakirələr aparılır.

Xatırladaq ki, 2015-ci ilin sentyabrında KTMT baş katibi vəzifəsində rotasiya sisteminin həyata keçirilməsi qərara alınıb. Hazırda baş katib vəzifəsini Ermənistandan olan Yuri Xaçaturov icra edir. Ona qarşı isə 2008-ci il martın 1-də İrəvanda baş verən hadisələrlə bağlı ittiham irəli sürülüb.

P.Sultanova