Prezident Dodon düşdüyü qəzadan danışdı - VİDEO
Moldova prezidenti İqor Dodon sentyabrın 9-da Straşen- Kalaraş yolunda keçirdiyi avtomobil qəzası ilə bağlı açıqlama verib.
1news.az xəbər verir ki, dövlət başçısı özünün və ailəsinin səhhəti ilə maraqlananlara, narahat olanlara dərin təşəkkürünü bildirib. Onun sözlərinə görə, ən dəhşətlisi geridə qalıb və ciddi nəticələrdən qaçmaq mümkün oldu.
"Hər şey qaydasındadır, mən və ailəm ciddi xəsarətlər almadıq, özünüzü və ailənizi qorumaq üçün yolda son dərəcə diqqətli olun", Dodon deyib. .
Xatırladaq ki, ağır qəza yağış zamanı baş verib. Prezident və ailə üzvlərinin olduğu avtomobil yük maşını ilə toqquşub. Avtomobildə olan anası və üç oğlu, həmçinin sürücü yüngül zədələr alıblar. Moldova lideri isə ciddi xəsarətlər almayıb.
Prezidentin tərəfdarları sui-qəsd cəhdini istisna etmirlər.
P.Sultanova
