Karasin: Ermənistanda qeyri-stabil vəziyyət qalır
Siyasi vəziyyətin qeyri-stabil olmasına baxmayaraq, Rusiya ilə Ermənistan arasında əməkdaşlıq davam edir.
1news.az xəbər verir ki, bunu Rusiyanın xarici işlər nazirinin müavini Qriqori Karasin “İzvestiya” qəzetinə müsahibəsində deyib.
XİN rəsmisi vurğulayıb: “Ermənistanda müəyyən daxili siyasi qeyri-sabitliyin qalmasına baxmayaraq, əməkdaşlığın müəyyən sahələrində sistemli birgə iş var. Qarşılıqlı ticarətin dinamikası 2018-ci ilin birinci yarısında keçən ilin eyni dövrü ilə müqayisədə 23,4% artaraq 925,6 milyon dollara çatıb”.
Onun sözlərinə görə, tərəflər əvvəlki kimi intensiv dialoq aparırlar. "Bir neçə ay ərzində baş nazir Nikol Paşinyanla Rusiya prezidenti Vladimir Putinin üç,b aş naziri Dmitri Medvedevlə iki görüşü olub. Telefonla bir neçə dəfə danışıblar".
Karasinin sözlərinə görə, Moskva ilə Yerevan arasında belə tez-tez əlaqənin nəticəsi olaraq Rusiya ilə Ermənistan arasındakı münasibətlərin ikitərəfli formatda və ümumi inteqrasiya birlikləri – Avrasiya İqtisadi İttifaqı, KTMT, MDB çərçivəsində daha da möhkəmləndirilə bilər.
P.Sultanova
