Koçaryanın yaxın adamı həbs edilib

Ermənistanın iri telekanallarından biri olan H2-nin rəhbəri, biznesmen Samvel Mayrapetyan Xüsusi İstintaq Xidməti tərəfindən saxlanılıb. 

1news.az xəbər verir ki, bu barədə TASS-a qurumun mətbuat xidmətindən bildiriblər.

Mənbə təfərrüatların bir qədər sonra açıqlanacağını deyib.

S.Mayrapetyanın vəkilləri də sahibkarın saxlanılma səbəbi barədə açıqlama vermirlər.

Qeyd edək ki, S.Mayrapetyan Ermənistanın iri sahibkarlarından biridir. Onun avtosalonlar şəbəkəsi, tikinti şirkətləri və restoranları var. Bundan başqa, biznesmenin 2008-ci ildə ölkədə konstitusiya quruluşunun devrilməsində ittiham olunan sabiq prezident Robert Koçaryana yaxın adamlardan biri olduğu deyilir.

1news.az