Şarmazanov: Respublika Partiyasının rəhbərliyində dəyişiklik gözlənilmir
Erkən parlament seçkiləri ərəfəsində Ermənistanın Respublika Partiyası Şurasının iclasını keçirəcək.
1news.az erməni mətbuatına istinalda xəbər verir ki, bunu Ermənistan parlamentinin vitse-spikeri Eduard Şarmazanov deyib.
O bildirib ki, toplantıda ərazi və regional qurumların nümayəndələri də iştirak edəcəklər.
Şrmazanovun sözlərinə görə, partiyada hələlik yekun qərar qəbul edilməyib: “Parlament seçkilərində iştirak etmək üçün qərar qəbul etmək vacibdir. Hazırda partiyada artıq bir işgüzar mühiti var.
Şarmazanov, həmçinin, partiyada əksəriyyətin seçkidə iştirakdan imtina etməsi barədə məlumatı təkzib edib. Vitse-spiker partiya rəhbərliyində dəyişikliklərin gözlənilmədiyini əlavə edib:
"Dəyişiklik yalnız partiyanın qurultayında ola bilər. İndi bunun üçün vaxt yoxdur. Ya seçkilərə, ya da qurultaya hazırlaşmaq lazımdır. Təbii ki, qurultay üçün vaxt yoxdur ".
P.Sultanova
