Sarkisyanın partiyasının seçki şüarı: Əgər narahatsansa...
Ermənistanın Respublika Partiyası dekabrın 9-da keçiriləcək erkən parlament seçkilərində "Əgər narahatsansa ... Respublika Partiyasına səs ver” şüarı ilə çıxış edəcək.
1news.az erməni mətbuatına istinadla xəbər verir ki, bu barədə partiyanın sədr müavini, təşviqat kampaniyasına məsul şəxs Armen Aşotyan bildirib.
Onun sözlərinə görə, seçki kampaniyası başlayandan sonra, yəni 26 noyabrda www.vote1.am saytı da fəaliyyət göstərəcək.
Sabiq hakim partiyanın qara və ağ rəng fonunda şüarı, "Vətəndaş razılaşması” partiyasından Yerevan meri vəzifəsinə namizəd olan(hazırda mer) Hayk Marutyanın cəmiyyəti "ağ" və "qara"ya bölmək haqqında qalmaqallı bəyanatını xatırladır. "Biz ağıq, qalanları isə qara!", deyə Marutyan seçki kampaniyası zamanı bildirib.
Qeyd edək ki, Respublika Partiyasına sabiq prezident Serj Sarkisyan rəhbərlik edir.
P.Sultanova
