Putin-Paşinyan görüşündən böyük gözləntilər yoxdur - NƏŞR
Ermənistan və Rusiya rəhbərlərinin bu günə planlaşdırılan görüşündən böyük nəticələr gözləməyinə dəyməz.
1news.az xəbər verir ki, bu barədə Ermənistanın "Hraparak" nəşri yazıb.
Qeyd edilib ki, bu gün keçiriləcək Paşinyan-Putin görüşünə ümidlər çoxdur. Lakin Putin və Lukaşenkonun 4 saatlıq danışıqlarının heç bir razılaşma ilə yekunlaşmadığını nəzərə alsaq, bu görüşdən çox şey gözləməyinə dəyməz.
"Görüş normal şəkildə keçəcək. Paşinyan 2008-ci ildə Serj Sarkisyan etdiyi kimi (Gürcüstanın o zamankı prezidenti Saakaşvilini avqustdakı qısa müddətli müharibədən sonra ölkəsinin "Şərəf" ordeni ilə təltif edib), ya da Koçaryan kimi (“Mehri variantı” nəzərdə tutulur) Rusiyaya narahatlıq verə biləcək nəsə etməyib”, - deyə Ermənistan XİN-dəki mənbə bildirib.
Amma nəşr yazıb ki, Lavrovun və Karasinin ifadələri bunun əksini deyir. Moskvada hələ də Ermənistanın xarici siyasətindəki mümkün dəyişikliklər barədə narahatlıq var.
P.Sultanova
