Aİ-Ermənistan razılaşması Brüsseldə sərt tənqid olunub - Aşotyan
Ermənistanın zəif cari xarici siyasəti yalnız Qarabağ məsələsində, Rusiya və Avrasiya üzrə deyil, eyni zamanda Avropa istiqamətində də dərinləşməkdə davam edir.
1news.az erməni mətbuatına istinadla xəbər verir ki, bunu Respublika Partiyasının sədr müavini Armen Aşotyan bildirib.
Onun sözlərinə görə, hakimiyyət dəyişikliyindən sonra vəd edilmiş xarici siyasətin kapitallaşdırılması baş vermədi və yeni hökumətin qeyri-peşəkar mübarizə üsulu nəticəsində bu, reallaşdırıla bilməzdi.
“Onsuz da özünün astagəlliyi, diletantlığı səbəbindən böyük gecikmə ilə Nikol Paşinyan hökuməti ötən ilin dekabrında hökumətin qərarı şəklində planlaşdırılan müqavilənin icrası üçün yol xəritəsini təsdiqləmədi.
Aİ-dəki mənbələrimə görə, Brüsseldə erməni hökumətinin təqdim etdiyi yol xəritəsi ciddi şəkildə tənqid olunub və onun üzərində işi bitirmək tələb olunur.
Bunu ötən ilin dekabrında Paşinyanın müvafiq komissiyaların iclasındakı çıxışı da sübut edir. Yeri gəlmişkən, mən həmin komissiyanın üzvü olsam da, gülünc bir səbəbə görə iclasa dəvət edilməmişdim.Ona görə dəvət etmədilər ki, Paşinyan onun üçün hökumətin uyğunsuzluğunu ortaya qoyan xoşagəlməz suallara cavab vermək məcburiyyətində qalmasın", Aşotyan əlavə edib.
P.Sultanova
