Putin Paşinyanı təbrik edib

Rusiya prezidenti Vladimir Putin Ermənistanın baş naziri vəzifəsinə təyin olunduğu üçün Nikol Paşinyana təbrik məktubu göndərib.

1news.az erməni mətbuatına istinadla xəbər verir ki, məktubda Rusiya ilə Ermənistan arasında münasibətlərin  dostluq və qarşılıqlı hörmət ənənələrinə əsaslandığı vurğulanıb.

Putin qeyd edib ki, ölkələr müxtəlif sahələrdə səmərəli əməkdaşlıqda böyük təcrübəyə malikdirlər.

"Ümid edirəm ki, bizim dialoqumuz və birgə konstruktiv işlərimiz Rusiya-Ermənistan müttəfiqlik və qarşılıqlı əlaqələrini daha da möhkəmləndirəcək və Avrasiya məkanında inteqrasiya proseslərini inkişaf etdirəcəkdir. Bu, şübhəsiz ki, qardaş xalqlarımızın maraqlarına cavab verir ", - Rusiyanın dövlət başçısı vurğulayıb.

Ermənistan prezidenti Armen Sarkisyan 14 yanvarda Nikol Paşinyanın baş nazir təyin edilməsi barədə fərman imzalayıb. 

P.Sultanova