Lavrov-Mnatsakanyan görüşündə Koçaryan tələbi
Rusiyanın xarici işlər naziri Sergey Lavrovla Ermənistanın xarici işlər naziri Zöhrab Mnatsakanyan arasında 55-ci Münhen konfransı çərçivəsində baş tutan görüşünün detalları məlum olub.
1news.az erməni mətbuatına istinadla xəbər verir ki, Lavrov açıq şəkildə bəyan edib ki, Ermənistanda siyasi məhbusların olduğunu düşünürlər və bu, Robert Koçaryandır.
Həmçinin, bildirilib ki, Ermənistanın müvafiq nəticələr çıxarmayacağı təqdirdə, bu barədə xüsusi bir bəyanat veriləcək.
Məlumata görə, Nikol Paşinyan bununla əlaqədar olaraq martın 1-də Rusiyaya Koçaryanın həbsinin onun şəxsi intiqamının təzahürü olmadığını, yalnız xalqın istəyini yerinə yetirildiyini göstərmək üçün böyük bir "şou" təşkil etməyə hazırlaşır.
Koçaryan 2008-ci il 1 mart hadisələrinə görə həbs edilib.
P.Sultanova
