Ermənistanın parlament fraksiyaları Paşinyanın elan etdiyi yürüş barədə
"Parlaq Ermənistan" və "Çiçəklənən Ermənistan" fraksiyaları baş nazir Nikol Paşinyanın təşəbbüsü ilə martın 1-də keçirilən yürüşdə iştirak məsələsini hələ müzakirə etməyiblər.
1news.az erməni mətbuatına istinadla xəbər verir ki, "Parlaq Ermənistan" fraksiyasının rəhbəri Edmon Marukyan deyib ki, partiya üzvləri hər il ənənəyə uyğun olaraq 1 mart hadisələrinin qurbanlarının xatirəsini yad edəcək, Aleksandr Myasnikyanın abidəsinə gül qoyacaqlar.
"Düşünürəm ki, bu il də eyni addımı atacağıq. Biz yalnız bir dəfə, "Elk" blokunun seçki kampaniyası zamanı yürüş təşkil etdik. Müzakirə edib, qərar verəcəyik ", deyə Marukyan vurğulayıb.
“Çiçəklənən Ermənistan” fraksiyasından olan deputat Mikael Melkumyan da martın 1-dəki yürüşdə iştiraklarına dair hələ müzakirə aparılmadığını bildirib:
"Biz hər il ölənlərin xatirəsini anırıq. Myasnikyanın abidəsini ziyarət edəcəyik. Yürüşdə iştiraka isə hələ qərar verilməyib".
Xatırladaq ki, fevralın 21-də Ermənistanın baş naziri Nikol Paşinyan Azadlıq meydanından 1 mart hadisələri ilə bağlı yürüş elan edib.
P.S.
