Oxumağa dəyər 5 kitab: Çingiz Abdullayev məsləhət görür – FOTO | 1news.az | Xəbərlər
Cəmiyyət

Oxumağa dəyər 5 kitab: Çingiz Abdullayev məsləhət görür – FOTO

14:42 - 01 / 04 / 2019
Oxumağa dəyər 5 kitab: Çingiz Abdullayev məsləhət görür – FOTO

“Oxunmamış kitablar intiqam ala bilər” – dahi Rey Bredberi belə deyib.

Məşhur yazıçı tamamilə haqlıdır. Oxucularımızın bu cür qisasın qurbanı olmaması üçün 1news.az Audiokitab-ın dəstəyilə #Top5books adlı yeni layihəyə başlayır. Layihənin məqsədi kitab oxumaq marağının artırılmasıdır.

Rubrikada ölkəmizin məşhur simaları onlara daha çox təsir edən və oxuculara tövsiyə  edəcəkləri 5 kitabı bizlərlə bölüşəcək. Sözsüz ki, beş kitabı seçmək asan deyil – lakin məqalənin formatı məhduddur. Rubrika hər həftə dərc olunacaq. Oxucularımız tövsiyə olunan kitablardan maraqlı hesab etdiklərini özləri üçün seçə bilər.  

İlk həmsöhbətimiz Xalq yazıçısı Çingiz Abdullayev oldu:

Hesab edirəm ki, bu cür rubrikanın yaradılması – çox vacib və faydalı təşəbbüsdür.

Beləliklə, tövsiyə  edəcəyim ilk kitab Erix Mariya Remarkın “Zəfər tağı” romanıdır.

Bu roman mənə çox güclü təsir bağışladı. Burada sətraltı mənada tənhalıq vurğulanır. Həmin vaxtlar, 17 yaşım olanda bu, mənə çox yaxın idi. Ola bilsin ki, həmin vaxtlar həmyaşıdlarım küçədə vaxt keçirən zaman mən evdə oturub kitab oxuduğumdan irəli gəlir.

Beləliklə, “Zəfər tağı” – bir ömürlük sevgidir. Romanda bir fikir var ki, məni məftun etdi:

“Bir insan digərinə bir damcı doğmalıqdan, hərarətdən başqa heç nə verə bilməz”. Ola bilsin həmin zamanlar aşiq olduğum üçün bu sözləri həssas qəbul etdim. Lakin roman həqiqətən də ürəyimə həkk oldu.

Kitabı onlayn formada buradan oxumaq olar.

İkinci kitab – Ernest Heminqueyin “Olmaq ya olmamaq” əsəridir.

Hesab edirəm ki, Heminquey – dahi yazıçı olmaqla yanaşı, istər yazdığı əsərlərdə, istərsə də döyüş meydanında əsl kişi kimi cəsarətini göstərə bilib. Bu kitabı mütləq oxumağı məsləhət görürəm. Bunun əsas səbəblərindən biri romanın əsl məhəbbətin dərin və incəliklə təsvir edilməsidir. Burada bir epizod var: əsərin qəhrəmanı həyat yoldaşını gözləyir, qadın isə görüşdən əvvəl saçlarını boyadığı üçün həyəcanlanır. Bilir ki, əri ondan icazəsiz saçlarını boyadığı üçün əsəbləşə bilər. Beləliklə, onlar görüşürlər... Onlar bir-birlərinə baxırlar, sonra əri deyir: “Gedək”. Və onu əlindən tutur. Vəssəlam! Onlar sadəcə olaraq gedirlər. Bu qısa “Gedək” kəlməsində yüzlərlə sözü əvəz edən emosiyalar, əsl hisslər daha çox vurğulanır. Heminquey yazdığı kitablarla deyil, həmçinin sətirlər arasında vurğuladığı sözlərdə də dahidir. O, haqlıdır: sevgidən, ehtirasdan, hisslərdən çox danışmaq lazım deyil, hər şeyi bir sözlə ifadə etmək olar.

Kitabı onlayn formada buradan oxumaq olar.

Üçüncü kitab – “Kitabi Dədə-Qorqud” eposudur.

Hesab edirəm ki, yaşından asılı olamayaraq hər bir azərbaycanlı bu kitabı oxumalıdır. Burada ölkəmizin hər bir vətəndaşı üçün bilməsi vacib olanlardan bəhs olunur: köklərimizdən, tariximizdən danışılır. Bu gün bizim kim olduğumuz, haradan gəldimiyizi, hansı torpaqda yaşadığımızı, burada qədim zamanlarda baş verənləri anlamaq üçün bu dastanı oxumaq lazımdır.

Dördüncü kitab – Rey Bredberinin “Mars xronikaları” əsərdir.

Bredberi – uşaqlıqdan bəri sevgimdir.

Uzun illər öncə San-Fransiskoda dahi yazıçı ilə görüşüm zamanı onunla şəkil çəkdirməyə cəsarət etmədiyim üçün həyatım boyu çox heyfislənmişəm. Məhz buna görə də bu gün heç kəslə birgə şəkil çəkdirməkdən imtina etmirəm... Bəli, onunla görüşdük və uzun müddət yazışdıq. Lakin indiyə qədər onunla şəkil çəkdirməyə cəsarət verməyən utancaqlığıma görə özümü danlayıram.

Onun bütün kitablarını sevirəm. Lakin məqalənin formatı yalnız bir kitabla məhdudlaşdığı üçün məhz “Mars xronikası”nı seçirəm. Hesab edirəm ki, bu kitab bir çox suallara cavab verə bilər. Həmçinin təxəyyülün və yumor hissinin inkişafına təkan verə bilər. Ən başlıcası – bir çoxlarına özünü tapmaqda və anlamaqda kömək ola bilər.

Kitabı onlayn buradan oxumaq olar.

Beşinci – Fyodor Dostoyevski “Karamazov qardaşları”.

Dostoyevski ümumiyyətlə dahidir. Hər əsərində özündən izahedilməyən bir şeylər ortaya çıxarıb... Lakin “Karamazov qardaşları”  insanlara vicdanlı münasibətlə bütün bəşəriyyətin onlara imtinası ziddiyyət təşkil edir. Yüksəklik və eyni zamanda uçurum və beləcə oxucu mahiyyəti anlamağa imkan tapmır. Kitabda belə bir səhnə var ki, oğlan atasının necə incidildiyinin şahidi olur və bu hissəni oxumaq çox çətindir.

Kitabı buradan oxumaq olar.

Hər zaman Dostoyevskinin Qiyamət günü ilə bağlı sözlərini xatırlayıram. Ondan soruşurlar: əgər Allah tərəzinin bir gözünə bəşəriyyətin bütün günahlarını: qətl, zorakılıq, oğurluq, qarət, müharibə, yalan qoyarsa, tərəzini tarazlamaq üçün digər gözündə nələr olmalıdır? Dostoyevski bu suala dahicəsinə cavab verir:

“Tərəzinin digər gözünə “Don Kixot” kitabını qoymaq lazımdır. Əgər insan bu kitabı ərsəyə gətirə bilibsə, demək bəşəriyyətin minillik bütün günahları ona bağışlanılıb”. Onun kitablara qarşı münasibəti bu cür olub.

Və sonda uşaqlara oxumaq üçün beş kitab məsləhət görürəm. Bu “Robinzon Kruzo” D.Defo, “Qulliverin macəraları” D.Svifta, “Xəzinələr adası” R.Stivenson, “Sirli ada” Jül Vern və əlbəttə, A.Dyumanın “Üç muşketyor” əsəridir.

Kitab oxuyun. Bu, dərrakəli insanın özünə bəxş etdiyi möhtəşəm həzzdir.

Tərcümə: S.Xankişiyeva

 

 

 

Paylaş:
8727

Son xəbərlər

Mərakeşin İqtisadi inkluzivlik, kiçik biznes, məşğulluq və bacarıqlar naziri Yunes Sekkuri ilə görüş keçirilmişdir07 / 12 / 2023, 21:31Azərbaycan 32 erməni hərbçini, Ermənistan isə 2 azərbaycanlı hərbçini azad edib07 / 12 / 2023, 21:04Prezident İlham Əliyevin “Qarabağ: 30 ildən sonra evə dönüş. Nailiyyətlər və çətinliklər” Forumunda səsləndirdiyi fikirlər dünya mediasının diqqət mərkəzində qalmaqdadır07 / 12 / 2023, 20:59Ulu Öndər Heydər Əliyevin 100 illik yubileyinə həsr olunmuş “Azərbaycan Turizm Sammiti 2023” tədbiri keçirilib - FOTO07 / 12 / 2023, 19:12Masallı sakinlərindən qanunsuz saxlanılan odlu silahlar götürülüb07 / 12 / 2023, 17:48Avtomobilin seriyasını dəyişərək elektron cərimələrdən yayınmağa çalışan sürücü məsuliyyətə cəlb edilib07 / 12 / 2023, 17:37Baş Prokurorluq binalarda quraşdırılan elektrik, su və qaz sayğacları ilə bağlı vətəndaşlara müraciət edib07 / 12 / 2023, 17:20Əli Əsədov Böyük Britaniya Dövlət katibinin müavini ilə ikitərəfli əlaqələri müzakirə edib07 / 12 / 2023, 17:04“Turizmin mövsümülük probleminin həlli ilə bağlı işlər görüləcək”07 / 12 / 2023, 16:39Bakı hava limanı 11 ayda 5 milyondan çox sərnişinə xidmət göstərib07 / 12 / 2023, 16:36Yol polisi pişiklərlə bağlı sürücülərə xəbərdarlıq edib07 / 12 / 2023, 16:33Azərbaycana gələn turistlərin sayında 30 faiz artım olub07 / 12 / 2023, 16:19Bakıda reklamların binanın fasadına yapışdırılması qadağan edilib07 / 12 / 2023, 16:06Azərbaycanda zəlzələ nəticəsində yol infrastrukturuna ziyan dəyməyib07 / 12 / 2023, 15:26Azərbaycan və Çin dəmir yolları təşkilatları Transxəzər Beynəlxalq Nəqliyyat Dəhlizi vasitəsilə əməkdaşlığı genişləndirir07 / 12 / 2023, 15:07AYNA-nın nizamnamə fondu artırılıb07 / 12 / 2023, 15:03Dönərxanada qaz sızmasından partlayış olub07 / 12 / 2023, 14:59ANAMA mina hadisələri ilə bağlı çağırış edib07 / 12 / 2023, 14:35Deputat: “Növbədənkənar Prezident seçkiləri ilə bağlı qərarın verilməsi yerində atılmış bir addımdır”07 / 12 / 2023, 14:14Şuşada mina partlayıb, xəsarət alan var - YENİLƏNİB07 / 12 / 2023, 14:11
Bütün xəbərlər

Next TV