Paşinyan və Koçaryan məhkəmədə üz-üzə gələcək
Ermənistanın ikinci prezidenti Robert Koçaryanın baş nazir Nikol Paşinyana qarşı iddiası üzrə məhkəmə iclasının tarixi məlum olub.
1news.az erməni mətbuatına istinadla xəbər verir ki, iddia üzrə ilk iclası 12 iyun saat 16: 40-da (yerli vaxtla) keçiriləcək.
Koçaryan ötən ilin sentyabr ayında Paşinyana qarşı məhkəmə iddiası qaldırıb. O, şərəf və ləyaqətinin, barəsində səsləndirilmiş böhtanlardan müdafiə olunmasını tələb edir.
Çıxışlardan birində baş nazir toxunulmazlıq bəhanəsi ilə Koçaryanın həbsdən azad edilməsinin anlaşılmazlıq yaratdığını deyib.
Paşinyan onda bunları bildirib: “Toxunulmazlıq nə deməkdir, Yəni insanların öldürülməsini təşkil edib və "mən toxunulmazam" desin, bu, harda yazılıb?”.
Beləliklə, Paşinyan 2008-ci il martın 1-2-də baş verən hadisələr zamanı etirazçıların ölümündə Koçaryanın iştirakına işarə edib.
P.Sultanova
