Emin Hacıyev: Qonşu ölkələr də erməni yalanlarına artıq inanmaq istəmir
“Rusiyanın 1-ci kanalında çıxış edən hərbi ekspert İqor Korotçenko Ermənistanın aqressor ölkə olduğunu, müharibənin Azərbaycan dövlətinin ərazilərində baş verdiyini və ən önəmlisi, cənab Prezident İlham Əliyevin kanala verdiyi müsahibədə obyektiv və olduqca konstruktiv fikirlər söylədiyini auditoriyaya çatdırıb”.
1news.az-ın verdiyi xəbərə görə, bu barədə Milli Məclisin deputatı Emin Hacıyev Facebook sosial şəbəkəsində status paylaşıb:
“Müharibənin Azərbaycan torpaqlarında getməsi KTMT-nin (ODKB) müdaxiləsini mümkünsüz edir. Lakin hal-hazırda Ermənistanın faşist rəhbərliyi öz xalqına qarşı istənilən təxribatı reallaşdıra bilər. Məqsəd isə aydındır. Rusiya və digər KTMT üzv ölkələrini münaqişəyə cəlb etmək. Digər tərəfdən qonşu ölkələr də erməni yalanlarına artıq inanmaq istəmir. Paşinyan müasir raket kompleksləri ilə bu gecə, ya sabah Ermənistan ərazisində yerləşən istənilən qəsəbəni yerlə-yeksan etsə, təəccüblü gəlməsin. Dünya təcrübəsində müharibələr zamanı ən humanist addımı Azərbaycan rəhbərliyi, Azərbaycan ordusu ataraq, ermənilərə Qarabağı ölmədən tərk etməyi təklif edir. Erməni xalqı bu təklif üzərində ciddi düşünməlidir”.
S.Xankişiyeva
