Çavuşoğlu: Fransa Ermənistanı açıq şəkilə dəstəkləyir
“Ermənistanın mülki əhaliyə hücum etməsi ilk dəfə deyil. Bu ölkənin tarixinə baxanda, günahsız insaları necə qətl etdiyini görmək olar, xüsusilə də Xocalıda”.
1news.az xəbər verir ki, bunu Türkiyə Xarici İşlər naziri Mövlud Çavuşoğlu NATO baş katibi Yens Stoltenberqlə görüşü zamanı deyib.
“Ermənistan yenə mülki əhalini hədəf alıb” – deyə, M.Çavuşoğlu sözlərinə əlavə edib:
“Bütün beynəlxalq hüquq Azərbaycanın tərəfindədir və beynəlxalq ictimaiyyət Azərbaycana dəstək verməlidir. Təssüflər olsun ki, beynəlxalq ictimaiyyət ya neytral qalır, ya da Ermənistana dəstək verir".
Türkiyənin xarici işlər naziri bildirib ki, Fransa Ermənistanı açıq şəkildə dəstəkləyir:
"Təssüflər olsun ki, Minsk qrupu Dağlıq Qarabağ probleminin həlli üçün heç bir şey etməyib. Ermənistan-Azərbaycan məsələsi gündəmə gələndə Minsk qrupu Ermənistandan ərazilərin boşaldılmasını tələb etmir. NATO üzvləri də Ermənistanın işğal etdiyi ərazilərdən çıxmasını tələb etməlidir. Beynəlxalq ictimaiyyət tərəfindən cavab almayan Ermənistan bundan cəsarətlənib Azərbaycana hücumlarını davam etdirir".
Qafar Ağayev
