Hikmət Hacıyev və xarici diplomatlar Bərdədədir - FOTO

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev, Baş Prokuror Kamran Əliyev və Azərbaycandakı xarici diplomatlar Bərdədədir.

1news.az-ın məlumatına görə, səfərdə məqsəd ermənilərin dünən Bərdə şəhərini artilleriya atəşinə tutmasının nəticələri ilə yerində tanış olmaqdır.

Qeyd edək ki, Ermənistan hərbçilərinin dünən Bərdəni artilleriya atəşinə tutması nəticəsində 21 nəfər dünyasını itirib, 70-dən artıq insan ağır yaralanıb. Yaralananlar içərisində çoxlu azyaşlı uşaq da var. 

1news.az