İzmirdə zəlzələ nəticəsində həlak olanların sayı 92 nəfərə çatıb - YENİLƏNİB

Türkiyənin İzmir şəhərində zəlzələ nəticəsində həlak olanların sayı 92-yə yüksəlib.

Trend xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Zəlzələ zamanı 962 nəfər xəsarət alıb, onlardan 743-ü artıq evə buraxılıb.

Xəsarət alan 962 nəfərdan 743 nəfəri xəstəxanalardan evə buraxılıb. 143 nəfərin müalicəsi davam edir.

15:57

Türkiyənin İzmir şəhərində baş verən zəlzələdən ölənlərin sayı 85 nəfərə çatıb.

1news.az xəbər verir ki, bu barədə Türkiyənin Fövqəladə Halların İdarə Olunması Agentliyindən (AFAD) məlumat verilib.

Bildirilib ki, yaralı sayı isə 994 nəfərdir. 

12:41

Türkiyənin İzmir şəhərində baş verən zəlzələdən həyatını itirənlərin sayı 83-ə çatıb.

1news.az xəbər verir ki, bu barədə Ətraf Mühit və Şəhərsalma naziri Murat Kurum bildirib. Onun sözlərinə görə, 962 nəfər yaralıdan 219-u xəstəxanada müalicə olunur, onlardan 4-nün vəziyyəti ağırdır.

09:36

Türkiyənin İzmir şəhərində baş verən zəlzələdən ölənlərin sayı 79-a çatıb.

1news.az xəbər verir ki, bu barədə Türkiyənin Fövqəladə Halların İdarə Olunması Agentliyindən (AFAD) məlumat verilib. Yaralı sayı isə 962 nəfərdir. Yaralananlardan 743 nəfər xəstəxanadan buraxılıb, 219 nəfərin isə müalicəsi davam edir.

İzmirdə 8 binada hələ də xilasetmə işləri aparılır.

Zəlzələ sonrası 1120 afterşok qeydə alınıb. Onlardan 43 afterşokun maqnitudası 4 baldan yuxarıdır.

1news.az