Beynalxalq memarın unudulmaz zəfərimizə həsr olunmuş abidə konsepsiyası – FOTO – VİDEO
Memar, dizayner və «Bureau of Architects & Designers» şirkətinin təsisçisi Elçin Məmmədov və «Bureau of Architects & Designers» komandası «Zəfər» abidəsi konsepsiya layihəsini təqdim edirlər.
Abidə Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə torpaqlarımızı işğaldan azad edən müzəffər Azərbaycan Ordusuna həsr olunub. «Zəfər» abidəsinin əsas simvolu Vətən müharibəsinin – «Dəmir yumruq» əməliyyatının adından götürülən Dəmir yumruqdur. Abidə özündə qazandığımız möhtəşəm qələbənin əsas faktorlarından olan xalqımızın Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin ətrafında sıx yumruq şəklində birləşməsini və sarsılmaz həmrəyliyini ehtiva edir.
Abidənin hündürlüyü 14 m, diametri 11 m, parkın əhatə dairəsinin diametri isə 44 m-dir. Parkın əhatə dairəsinin diametri Vətən müharibəsinin davametmə müddətini ifadə edir.
«Zəfər» abidəsinin Bakı şəhərində Azadlıq meydanı ilə üzbəüz inşa edilməsi təklif olunur. Bu abidə tarixi kompleks olmaqla yanaşı, həmçinin park tipli istirahət guşəsi olacaq.
Abidənin həyətində insanların gündüz və axşam saatlarında istirahətləri üçün oturacaqlar və işıqlandırma sistemi nəzərdə tutulur.
Konseptual layihə - "Zəfər" abidəsi.
Memar Elçin Məmmədov
Reklam hüququnda
