İƏT nümayəndələri ermənilərin donuz saxladığı İbrahim Xəlil Xan İmarətində olublar - FOTO

İslam Əməkdaşlıq Təşkilatının (İƏT) Təmas Qrupuna daxil olan ölkələrin daimi nümayəndələri bu gün Ağdamda səfərdədir.

Trend-in Qarabağ bürosunun məlumatına görə, nümayəndə heyəti Ağdam şəhərində İbrahim Xəlil Xanın İmarətində olub.

Məlumat verilib ki, xanın sülaləsi burada dəfn edilib. Xanın burda dəfn edilən ailə üzvlərinin hər birinin məzarı üstündə məqbərə inşa edilib. İşğaldan sonra ermənilər buranı da viran qoyublar. Xaraba qalan binalarda isə donuz saxlanılıb.

O da bildirildi ki, imarətin yanında Ağdamın məşhur "Qarabağ" futbol klubunun stadionu olub.