XİN-in sabiq idarə müdirinin məhkəməsində şahidlər ifadə verib | 1news.az | Xəbərlər
Cəmiyyət

XİN-in sabiq idarə müdirinin məhkəməsində şahidlər ifadə verib

16:54 - 22 / 09 / 2021
XİN-in sabiq idarə müdirinin məhkəməsində şahidlər ifadə verib

Bakı Ağır Cinayətlər Məhkəməsində Xarici İşlər Nazirliyinin (XİN) İşlər idarəsinin sabiq müdiri Fərhad Mollazadə, Konsulluq idarəsinin vəzifəli şəxsi Səlim Əlizadənin cinayət işi üzrə məhkəmə prosesi davam etdirilib.

1news.az-ın Trend-ə istinadən məlumatına görə, hakim Əfqan Hacıyevin sədrliyi ilə keçirilən prosesdə şahid qismində ifadə verən Asif Ağayev bildirib ki, Səlim Əlizadə ilə "Ofis Aləmi" adlı dəftərxana mallarının satışı mağazasında tanış olub: "Bizdən mallar alırdı. Malları bəzən nisiyə götürürdü. Pulunu sonradan ödəyirdi".

A.Ağayev deyib ki, Səlim Məmmədov 2020-ci ildə ondan nazirliklə müqavilə bağlamaqlarını istəyib: "Müqavilələr bağlandı. Pulu köçürmə ilə etməyə başladılar.

Səlim bir gün gəldi ki, nazir ona tapşırıq verib. Bu səbəbdən ona pul lazımdır. Mənə dedi ki, şirkətinin adına pul köçürsünlər. Mən də həmin pulu çıxarıb ona borc kimi verdim. Nazirlik tərəfindən 60 min manat pul köçürüldü. Həmin puldan 18 min manatlıq mal vermişdik. Qalan pula da illik mallar verəcəkdik. Səlim xahiş etdi ki, pulu nağdlaşdırıb ona borc kimi verim. 42 841 manat pulu nağdlaşdırıb ona borc verdim".

Şahidin istintaqa verdiyi ifadə ilə məhkəməyə verdiyi ifadə arasında ziddiyyət olduğu üçün onun ifadəsi elan olunub. İstintaqda A.Ağayev bildirib ki, tender zamanı qalib olandan sonra Xarici İşlər Nazirliyi tərəfindən 68 min manat pul köçürülüb: "Ondan 18 min manatlıq avandanlıqlar verilib. Vergilər çıxılandan sonra yerdə qalan puldan 42 841 manat pul nağlaşdırılaraq nazirliyinin əməkdaşı Səlim Məmmədova verilib.

Daha sonra şahid qismində ifadə verən Ramil Hüseynov deyib ki, dayısı arvadının adına şirkəti olub: "Salyanda dayım arvadı Sevda dializ xəstəsi idi. Mənim adımı şirkətə xəzinadar kimi yazmışdılar. İki dəfə bankdan pul götürmüşəm. Birində 129 min, digərində isə 97 min manat çıxardıb Asif adlı şəxsə vermişəm. Onun müqabilində bizə 2500 manat pul verildi. Ondan da bir qismi vergiyə ödənildi. 800 manat pul dayımın xəstəliyinə xərclənib. Bir müddət sonra şirkəti bağlatdırdıq".

Digər şahid Möhübbət Vəlişov isə bildirib ki, adına 5 şirkət açılıb: "Rəsmiyyə Qazıyevə adlı qadına etibarnamə veridik, bütün işləri o görürdü. Hər ay şirkətlərə hər birinə görə 100 manat verilirdi. Son dövrlər də pulu verməməyə başladılar. Sonradan şirkətləri geri aldım. Maraqlandım ki, xeyli vergi borcu yaranıb. Hazırda şirkətlərin ümumilikdə 8 min manat vergi borcu qalıb".

Prosesdə daha sonra şahid qismində "Ofis Aləmi" MMC-də çalışan Cabbar Cəbrayılov ifadə verib: "Səlim müəllimi tanıyırdım. Bizdən mal alırdı. Sonrada Xarici İşlər Nazirliyi ilə müqavilə bağladıq. Pulu köçürmə ilə etdilər. Digər məsələlərdən mənim xəbərim yoxdur".

Proses sentyabrın 29-da davam edəcək.

İttihama görə, təqsirləndirilən şəxslər Dövlət Təhlükəsizliyi Xidməti tərəfindən saxlanılıb, barələrində Cinayət Məcəlləsinin 179.3.2-ci (külli miqdarda mənimsəmə), 308-ci (vəzifə səlahiyyətlərindən sui-istifadə etmə), 311-ci (rüşvət alma) maddələri ilə cinayət işi başlanıb.
Səbail Rayon Məhkəməsi tərəfindən həmin şəxslər barəsində həbs qətimkan tədbiri seçilsə də, sonradan məhkəmənin qərarı ilə onların barəsində seçilmiş həbs qətimkan tədbiri ev dustaqlığı ilə əvəzlənib.

Paylaş:
67

Son xəbərlər

BNA sərnişinlərin ən çox şikayət etdiyi daşıyıcı şirkətlərin adlarını açıqlayıb - SİYAHIBu gün, 14:26Şahmatçımız vaxtından əvvəl Avropa çempionluğu qazandıBu gün, 14:20Bakıda kirayə mənzil bazarında QİYMƏTLƏRBu gün, 14:01Yeni doğulanlara verilən birdəfəlik müavinətin müdəti uzadıldı? - DSMF-dan AÇIQLAMABu gün, 13:45Bu ölkələr III Dünya müharibəsinə səbəb ola bilər - SiyahıBu gün, 13:38Vahid Ələkbərov Yelo Bankın yeni baş ofisinin açılışında iştirak etdi - FOTOBu gün, 13:19Daha bir xalq artistinin səhhəti pisləşibBu gün, 13:08Agentlik sərnişindaşıma şirkətlərinə son xəbərdarlıq edibBu gün, 12:59Oktyabrın 22-nə olan hava proqnozu açıqlanıbBu gün, 12:56Niyə əməliyyata ac gəlmək lazımdır? - Həkimdən cərrahiyyə əməliyyatları ilə bağlı sualları CAVABBu gün, 12:23Ötən gün 119 nəfər toya buraxılmayıbBu gün, 12:14Prezident və birinci xanım Zəngilan ictimaiyyətinin nümayəndələri ilə görüşüblər – FOTO – YENİLƏNİBBu gün, 12:00“Zəngilan” yarımstansiyası istifadəyə verilib – FOTO – YENİLƏNİBBu gün, 11:51Zəngilan Rəqəmsal Elektrik Yarımstansiyasının təməli qoyulub – FOTO – YENİLƏNİBBu gün, 11:47Fermadan oğurluq edən Astara sakini saxlanılıb - FOTOBu gün, 11:45DSX-nin Zəngilandakı hərbi hissəsində bütün zəruri şərait yaradılıb – FOTO – YENİLƏNİBBu gün, 11:43Dəliməmmədli-Kəlbəcər dəmir yolu xəttinin inşası üçün ilkin konseptual layihəsi hazırlanıbBu gün, 11:42Prezident Zəngilan Beynəlxalq Hava Limanının tikintisi ilə tanış olub – FOTO – YENİLƏNİBBu gün, 11:37İlham Əliyev və Mehriban Əliyeva Zəngilana səfər ediblər – FOTO – YENİLƏNİBBu gün, 11:31Qarabağda dəmir yolu infrastrukturu yenidən qurulur - FOTOBu gün, 11:28
Bütün xəbərlər

Next TV