Ermənistan niyə minaladığı ərazilərin xəritəsini vermir? - AÇIQLAMA | 1news.az | Xəbərlər
Siyasət

Ermənistan niyə minaladığı ərazilərin xəritəsini vermir? - AÇIQLAMA

Aytən Sakitqızı09:53 - 12 / 10 / 2021
Ermənistan niyə minaladığı ərazilərin xəritəsini vermir? - AÇIQLAMA

44 günlük Vətən müharibəsindən sonra yayılan görüntülərdən, edilən səfərlərdən də dünya açıq aydın işğalçı Ermənistan hakimiyyətinin 30 ilə yaxın müddətdə torpaqlarımızda ağlasığmaz vəhşiliklər törətdiyinin şahidi oldu.

Ekoloji terrordan tutmuş milli mədəni abidələrimizin dağıdılmasına kimi.Bir deyil, iki deyil, sayı hesabı bitməz vəhşilik faktlarına göz yumanlarla yanaşı bunu ictimailəşdirən dost dövlətlər də oldu.

Zaman-zaman “Qarabağ bizimdir” fikrinə özlərini inandıran ermənilər bu fikirlə dünyaya da car çəkirdilər. Bəs yaxşı erməni düşüncəsi ilə Qarabağ onların idisə niyə o torpaqlarda vandalizm aktı törədirdilər? Deməli uydurduqları yalana belə özləri də inanmamışdılar əslində.

Məsələyə münasibət bildirən siyasi şərhçi Xəyal Bəşirov 1news.az-a açıqlamasında qeyd edib ki, Azərbaycan rəhbərliyinin yürütdüyü düzgün siyasət və ordumuzun şücaəti ilə torpaqlarımızın 44 günlük Vətən müharibəsində işğaldan azad edilməsi bir daha göstərdi ki, Ermənistanın böyük xalq yox, əslində mədəniyyətdən və sivilizasiyadan kənar bir təxəyyülə malik xalqdır:

“Qarabağ işğaldan azad edildikdən sonra qalib ölkənin rəhbəri, Müzəffər ordumuzun Ali Baş Komandanı İlham Əliyevin o torpaqlara səfər etməsi və ən xırda detalları belə Azərbaycan cəmiyyətinə və dünya ictimaiyyətinə çatdırılmasında əsas məqsəd o idi ki, erməni vandalları 30 ilə yaxın müddətdə təkcə təcavüzkarlıq və soyqırımı cinayəti törətməyiblər, eyni zamanda Azərnaycan torpaqlarına qarşı daha böyük cinayətlər törədiblər”.

Bu məsələnin beynəlxalq hüquq müstəvisində müvafiq addımlar atılmaqla həllinə nail olacağımızı deyən Xəyal Bəşirov bildirib ki, hazırda həmin ərazilərdə çox böyük böyük bərpa işləri aparılır:

“Bununla bağlı Azərbaycan dövlətinin rəsmi mövqeyi də bəllidir.Ölkə başçısı da dəfələrdə çıxışlarında qeyd edir ki, həmin o torpaqların bərpa olunmasına, o ərazilərdə yaşayan insanların uzun illərdən sonra həsrətində olduğu ata-baba yurdlarına köçürülməsi üçün əlimizdən gələni edəcəyik.Təbii ki, məlum pandemiya dünya iqdisadiyyatına böyük zərər vurdu. Amma buna rəğmən Azərbaycan 44 günlük müharibədən sonra artıq işğaldan azad olunmuş ərazilərdə böyük infrastruktur layihələrinin icrasına start verib.Hazırda bir neçə yolun bərpası ilə bağlı genişmiqyaslı işlər görülür.Prezident İlham Əliyevin iştirakı ilə İlk Elektrik Stansiyanın açılışı da baş tutub".

O ki, qaldı işğaldan azad olunmuş ərazilərə sakinlərin köçürülməsinə, müsahibim bildirdi ki, dövlətin bu istiqamətdə siyasəti də fərqlidir:

“Bu könüllük prinsipi əsasında reallaşacaq. Çünki Azərbaycan qanunvericiliyinə əsasən heç bir məcburiyyət yoxdur. Əslində bu ən doğru addımdır ki, Ermənistan dünyaya car çəkməsin ki, Azərbaycan hakimiyyəti insanları Qarabağa məcburi şəkildə köçürür. Onu deyim ki, əsas məqsəd orada yaşayacaq insanların təhlükəsizliyinin təmin edilməsidir . Dövlət tərəfindən infrastrukturun bərpası, yeni iş yerlərinin açılması, insanların həyat şəraitinin yaxşılaşdırılması, fəaliyyət sahələrinin inkişafı istiqamətində atılacaq addımlar sakinlərin könüllü şəkildə həmin ərazilərə köçürülməsinə hesablanıb. Hətta ola bilər ki, heç qarabağlı olmayan bir insan da işləmək məqsədilə ora köçsün”.

Siyahi şərhçi əlavə edib ki, torpaqlarımız erməni vandallarından təmizlənsə də, onların qalıqlarından, basdırdıqları minalardan tam təmizlənməyib:

"Dövlət tərəfindən qarşıda duran əsas vəzifələrdən biri də məhz bu ərazilərin minalardan təmizlənməsidir. Müharibədən bir neçə ay sonra ora qanunsuz səyahət etməyə cəhd edən mülki şəxslərdən və hərbçilərimizdən həyatlarını itirənlər oldu. Ermənistan özünün nankor, təcavüzkar, işğalçılıq siyasətini bu gün də davam etdirir. Beynəlxalq hüququn bütün prinsiplərinə uyğun olaraq etməli olduğu işi etmir. Yəni həmin ərazilərdə basdırdığı minaların xəritəsini Azərbaycana təqdim etmir. Bunla bağlı Azərbaycan dövləti müxtəlif səviyyələrdə məsələ qaldırır. Bizim səsimizə səs verən dövlətlər də oldu. Bir neçə müddət əvvəl İtaliya parlamentində minalanmış ərazilərlə bağlı qətnamə qəbul olundu. Qətnaməyə əsasən Ermənistan dövləti minaladığı ərazilərlə bağlı xəritələri Azərbayacana təqdim etməlidir. Əks halda Ermənistana beynəlxaq səviyyədə təzyiq göstərilməlidir. Ümid edirik ki, digər dövlətlər də bu çağırışa qoşulacaq. Bu təkcə Azərbaycanın problemi deyil, bu bəşəriyyətin, insanlığın, problemidir.Bütün dövlətlər bununla bağlı vahid fikir sərgiləməlidirlər. Ancaq təəssüflər olsun ki, bəzi dövlətlər bu məsələdə səssizlik nümayiş etdirməklə, Ermənistana lazımi təsir göstərməkdən yayınırlar. Yaxşı olar ki, həmin xəritələr bizə təqdim olunsun. Bu gələcəkdə Azərbayacan-Ermənistan qonşuluq münasibətlərə də təsir göstərəcək".

Təxmini hesablamalar əsasən 1 milyard kvadrat metrə yaxın ərazilərin minalandığını deyən müsahibim Xəyal Bəşirov bildirdi ki, bu ərazilərin minalardan təmizlənməsi prosesinə kifayət qədər mütəxxəsis cəlb edilib:

“Bu məsələdə həmin ərazilərdə sülhməramlılıq missiyasını öhdəsinə götürən Rusiya da ciddi fəallıq göstərməlidir. Necə ki, 10 noyabr bəyanatının imzalanması, ardınca 11 yanvar bəyanatın imzalanmasında ciddi vasitəçilik göstərərək, birbaşa rəhbərliyi iştirak etdi. Hesab edirəm ki, Rusiya bu məsələdə Ermənistana ciddi təsir göstərməlidir .Çünki həmin ərazilərdə minaların olması həm də Rusiya sülhməramlılarının həyatını təhlükəyə atır. Rusiyanın məramı və məqsədi həmin ərazilərdə sülhün və təhlükəsizliyin təmin edilməsidirsə, deyim ki, minaların mövcud olduğu ərazilərdə sülhün və təhlükəsizliyin təminatından söhbət gedə bilməz”.

Paylaş:
189

Son xəbərlər

Dolların sabaha olan rəsmi məzənnəsi açıqlanıbBu gün, 18:01Şuşaya yeni sürət yolu çəkilir - AAYDA İdarə Heyəti sədrinin müaviniBu gün, 17:58“Bazel” - “Qarabağ” matçının hakimləri açıqlanıbBu gün, 17:56Tələbə krediti üçün müraciət edənlərin sayı açıqlanıbBu gün, 17:47Cavanşir Məmmədov: “Camaatdan pul yığılıb müğənnilərə verilsin!” - VİDEOBu gün, 17:42Azərbaycan-İran sərhədində atışma olub, bir nəfər zərərsizləşdirilibBu gün, 17:35İlham Əliyev “TOTAL Energies” şirkətinin kəşfiyyat və hasilat üzrə prezidentini qəbul edibBu gün, 17:28FHN müharibənin təhlükəli qalıqları ilə bağlı əhaliyə müraciət edibBu gün, 17:21Kəlbəcərdə yol qəzasında həlak olan hərbçilərdən birinə şəhid statusu verilibBu gün, 17:11Azərbaycanda koronavirusdan ölənlərin sayı 8000-i ötübBu gün, 17:06Buster doza üzrə vaksinasiya olunanların sayı 1 milyonu keçdiBu gün, 16:44Bu gün 1530 nəfər COVID-19-a yoluxub – STATİSTİKABu gün, 16:39Azərbaycan filmləri “Netflix”də yayımlanacaqBu gün, 16:37“YAŞAT” Fondunun birillik fəaliyyəti xalqımızın xeyirxahlıq, fədakarlıq və humanizm prinsiplərinə sadiqliyinin təsdiqidir - Vüqar RəhimzadəBu gün, 16:24Dövlət Sığorta Kommersiya Şirkətinə yeni sədr təyin edildi – SƏRƏNCAMBu gün, 16:04Prokuror Vüqar Səfərliyə cəza istədiBu gün, 16:00Yeni il bayramı ilə əlaqədar ardıcıl 5 gün iş olmayacaqBu gün, 15:45Taleh Ziyadov: Zəngəzur dəhlizinin işə salınması ilə Bakı limanında yük axımının artımı gözlənilirBu gün, 15:08Qəbələdə karantini pozan restoranın icarədarı və toy sahibi cərimələnib - FOTOBu gün, 15:02Bakıda çiskin olacaq, dağlıq ərazilərdə qar yağacaqBu gün, 14:46
Bütün xəbərlər

Next TV