Naqif Həmzəyev: 20 Yanvar milli azadlıq hərəkatının zirvəsidir | 1news.az | Xəbərlər
Siyasət

Naqif Həmzəyev: 20 Yanvar milli azadlıq hərəkatının zirvəsidir

Qafar Ağayev14:23 - 18 / 01 / 2022
Naqif Həmzəyev: 20 Yanvar milli azadlıq hərəkatının zirvəsidir

“20 Yanvar hadisəsi tariximizdə Azərbaycanın istiqlal yolunun ilk zirvəsi, milli məfkurəmizin azadlıq istəyinin oyanışı oldu”.

Bunu 1news.az-a açıqlamasında Milli Məclisinin deputatı Naqif Həmzəyev bildirib.

"Xalqımız bu il 20 Yanvar faciəsinin 32-ci ildönümünü qeyd edir, igid övladlarının fədakarlığını məhəbbətlə xatırlayır, onların əziz xatirəsini böyük ehtiramla yad edir".

Millət vəkili qeyd edib ki, 1990-cı ilin Qanlı Yanvar hadisəsi ləyaqətini qorumaq üçün hər cür qurban verməyə hazır olan xalqın tarixində şərəfli bir səhifə kimi milli azadlıq hərəkatının zirvəsi kimi əbədi həkk olunub. 20 Yanvar hadisələri uzun illər sovet imperiyasının əsarətində yaşayan xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi şərəfli bir tarixdir. Vətən uğrunda canlarını qurban vermiş mərd, igid oğul və qızlarımızın uyuduğu Şəhidlər xiyabanı xalqımız üçün müqəddəs and yerinə çevrilib.

1990-cı il yanvarın 20-də Azərbaycanın paytaxtına, bir sıra rayonlarına sovet ordusu hissələrinin qanunsuz yeridilməsi, dinc əhalinin qırılması totalitar rejimin törətdiyi ən qanlı aktlardan biri, bütün bəşəriyyətə qarşı yönəldilmiş cinayət oldu. Şəhərin küçələri güllələnmiş və yaralanmış günahsız adamların - qocaların, qadınların, uşaqların qanına qərq olmuşdu. Hərbçilər təsadüfən küçəyə çıxanları, yaşayış evlərini, təcili yardım maşınlarını belə atəşə tuturdular... 20 Yanvar faciəsinin qanlı mənzərəsi belə idi.

20 Yanvar hadisələri ilə əlaqədar ilk rəsmi etiraz Ulu Öndər Heydər Əliyev tərəfindən səsləndirilir. “Mən bu faciəyə həmişə ürəkdən yanaraq həm də vətəndaşlıq borcumu yerinə yetirməyə çalışmışam və bu gün də həmin mövqedəyəm, sabah da həmin mövqedə olacağam. Birinci növbədə, ədalət naminə, eyni zamanda, Azərbaycan xalqının namusunu, şərəfini, milli mənliyini qorumaq naminə”- deyən xalqımızın mərd oğlu Ulu öndər Heydər Əliyev həmin günlərdə özünün və ailəsinin həyatını təhlükə altına ataraq Azərbaycanın Moskvadakı daimi nümayəndəliyinə gəlir. Dahi şəxsiyyət kommunist partiyası rejiminin Azərbaycanda həyata keçirdiyi qanlı aksiyanı qətiyyətlə pisləyir, xalqımıza qarşı törədilən bu cinayətə, günahsız insanların öldürülməsinə etirazını bildirir, təqsirkarların, bu faciədə əli olanların cəzalandırılmasını tələb edir. Həmin günlərdə, çətin və ağır vaxtda Ulu öndər Heydər Əliyev Azərbaycan xalqının kədərini bölüşməklə yanaşı, qanlı 20 Yanvar hadisəsinə ilk həqiqi siyasi qiyməti verir.

Qanlı Yanvar hadisələri Azərbaycan milli kimliyinin formalaşmasına həlledici təsir göstərib, dövlət müstəqilliyinin bərpa edilməsində dönüş nöqtəsi olub. Faciədən sonra milli azadlıq hərəkatı tam siyasi reallığa çevrilib, dönməz xarakter alıb, xalq öz gələcəyini yalnız müstəqil Azərbaycanda görüb. 20 Yanvar hadisələri nəticəsində Azərbaycanda sovet imperiyası özünün bütün mənəvi və sosial dayaqlarını itirdi. Baş vermiş hadisələr dünya azərbaycanlıların təşkilatlanmasına səbəb oldu. Dünya azərbaycanlıları ilk dəfə olaraq milli faciəmizin tanıdılması naminə yaşadıqları müxtəlif ölkələrdə təşkilatlanmağa başladılar.

Sonradan xalqın təşəbbüsü ilə ikinci dəfə siyasi hakimiyyətə qayıdan Ulu Öndər Heydər Əliyevin təşəbbüsü ilə 20 Yanvar şəhidlərinin xatirəsini əbədiləşdirmək məqsədilə Şəhidlər Xiyabanında “Əbədi məşəl” abidə-kompleksi ucaldılır. Həmçinin, Azərbaycan Prezidentinin 2000-ci il yanvarın 17-də imzaladığı Fərman ilə 1990-cı il 20 Yanvar faciəsi zamanı şəhid olanlara “20 Yanvar Şəhidi” fəxri adı verilir.

Bu siyasət Ulu öndər Heydər Əliyevin layiqli davamçısı Prezident İlham Əliyev tərəfindən bu gün də uğurla davam etdirilir. Prezident İlham Əliyev də 20 Yanvar şəhidi ailələrinin və yaralılarının qayğılarını daim diqqət mərkəzində saxlayır. Dövlət başçısının fərmanlarına əsasən 20 Yanvar hadisələri ilə zamanı əlil olmuş şəxslər və şəhid ailələri üçün təqaüdlərinin artırılması onların mənzil-məişət şəraitinin yaxşılaşdırılması bu diqqət və qayğının daha bir bariz nümunəsi kimi ictimaiyyət tərəfindən yüksək qiymətləndirilir.

1990-cı ilin yanvar qırğını nə qədər faciəli olsa da, Azərbaycan xalqının iradəsini, milli azadlıq uğrunda mübarizə əzmini qıra bilmədi. Əksinə xalq daha da mətinləşdi və düşmənin gözünə dik baxdı.

Artıq Müzəffər Ali Baş Komandan cənab İlham Əliyevin məqsədyönlü siyasəti və qətiyyəti, xalqımızın vəhdəti və Silahlı Qüvvələrimizin rəşadəti nəticəsində 30 ilə yaxın əsirlikdə qalan doğma torpaqlarımız azad olunub. Qəhrəman əsgər və zabitlərimizin qanı bahasına ölkəmizin ərazi bütövlüyü bərpa edilib. 32 il öncə törədilən qanlı hadisələr zamanı şəhid olan, Azərbaycanın tarixinə parlaq səhifə yazan, xalqın milli azadlığı, müstəqilliyi üçün yol açan Vətənin oğul və qızlarının ruhları şaddır. Artıq torpaqlarımız azad, Vətənimiz bütövdür! Ümummilli amala çevrilən müstəqillik ideyaları əbədidir!

Paylaş:
266

Son xəbərlər

“TEKNOFEST Azərbaycan”da iştirak etmək istəyənlərin NƏZƏRİNƏ: Əlavə biletlər aktiv edildiBu gün, 00:08Prezident İlham Əliyevə Müstəqillik Günü münasibətilə təbrik məktubları gəlməkdə davam edir28 / 05 / 2022, 18:01Ərdoğan: Can Azərbaycanın Müstəqillik Günündə sizinlə bərabər olmaqdan böyük məmnunluq duyuram28 / 05 / 2022, 17:38Azərbaycan və Türkiyə prezidentləri “TEKNOFEST Azərbaycan” festivalına qatılıblar - FOTO - YENİLƏNİB28 / 05 / 2022, 17:30Laçında əsgərin ölümü ilə bağlı cinayət işi başlanılıb28 / 05 / 2022, 17:21Peyvənd olunanların sayı açıqlanıb28 / 05 / 2022, 17:01Azərbaycan və Türkiyə Prezidentlərinə “TEKNOFEST Azərbaycan”ın xatirə hədiyyəsi təqdim olunub28 / 05 / 2022, 16:53Bu gün 11 nəfər koronavirusa yoluxub – STATİSTİKA28 / 05 / 2022, 16:47XİN: Ermənistan anlamalıdır ki, onilliklər öncəki davranışı həyata keçirmək cəhdləri xülyadan başqa bir şey deyil28 / 05 / 2022, 16:34İlham Əliyev: Əziz Sancar, Selçuk Bayraktar kimi insanlar gənclər üçün örnəkdir28 / 05 / 2022, 16:29“TEKNOFEST-Azərbaycan” Türkiyə-Azərbaycan birliyinin növbəti nümayişidir - Prezident28 / 05 / 2022, 16:23İlham Əliyev: Türkiyə-Azərbaycan qardaşlığı və birliyi xalqlarımız üçün əsas yol istiqamətidir28 / 05 / 2022, 16:19“Böyük Qayıdış” Gənclər Təşkilatı Müstəqillik Günü ilə əlaqədar silsilə tədbirlər həyata keçirib – FOTO28 / 05 / 2022, 16:15Prezident: Müstəqillik Günündə Prezident Rəcəb Tayyib Ərdoğanın bizimlə bərabər olması bizim üçün ikiqat bayramdır28 / 05 / 2022, 16:03Qazimiz Müstəqillik Günündə qızıl medal qazanıb - FOTO28 / 05 / 2022, 15:44Ermənistan mətbuatında yayılan məlumat dezinformasiyadır - MN28 / 05 / 2022, 15:29İlham Əliyev Azərbaycan Xalq Cümhuriyyətinin şərəfinə ucaldılmış abidəni ziyarət edib - FOTO - YENİLƏNİB28 / 05 / 2022, 15:00Ərdoğan Azərbaycana işgüzar səfərə gəlib - FOTO28 / 05 / 2022, 14:54Zəngilan Beynəlxalq Hava Limanında işlər avqustda tamamlanacaq - FOTO28 / 05 / 2022, 14:48Əfv sərəncamının icrası başa çatıb28 / 05 / 2022, 14:33
Bütün xəbərlər

Next TV