Nazarbayev xalqa videomüraciətİ yayıldı: “Qazaxıstanın paytaxtında istirahətdəyəm” - VİDEO
"Hazırda mən Qazaxıstanın paytaxtında istirahətdəyəm və heç yerə getməmişəm".
1news.az-ın məlumatına görə, bunu Qazaxıstanın birinci prezidenti Nursultan Nazarbayev xalqa müraciətində deyib.
O, dövlət başçısı qismində həyata keçirdiyi islahatlar kursu və müasirləşməyə göstərdikləri dəstəyə görə qazaxıstanlılara təşəkkür edib.
Eyni zamanda, sabiq prezident ölkədə hər hansı bir ziddiyyətlərin olmadığını və hazırkı prezident Kasım-Jomart Tokayevin tezliklə "Nur Otan" partiyasına sədrlik edəcəyini bildirib.
N.Nazarbayev vurğulayıb ki, yanvar hadisələri bütün Qazaxıstanı sarsıdıb.
“Bu hadisələr bir daha göstərir ki, müstəqilliyi göz bəbəyi kimi qorumaq lazımdır. Baş vermiş faciə hamımız üçün dərs olmalıdır. Bu iğtişaşları və qətlləri təşkil edənləri müəyyənləşdirmək lazımdır. İstintaq bütün bu suallara cavab verəcək”, - deyə o bildirib və iğtişaşlar zamanı həlak olanların yaxınlarına başsağlığı verib, yaralananların tezliklə sağalmasını arzulayıb.
