Dünyada davam edən inflyasiya böhranına Azərbaycan necə reaksiya verir? – Deputatdan açıqlama | 1news.az | Xəbərlər
İqtisadiyyat

Dünyada davam edən inflyasiya böhranına Azərbaycan necə reaksiya verir? – Deputatdan açıqlama

Qafar Ağayev17:55 - 21 / 01 / 2022
Dünyada davam edən inflyasiya böhranına Azərbaycan necə reaksiya verir? – Deputatdan açıqlama

Dünyada davam edən inflyasiya böhranı günü-gündən dərinləşir. İnflyasiyanın qarşını almaq üçün müxtəlif tədbirlər həyata keçirilir. Azərbaycanda da inflyasiyanın təsirlərini azaltmaq üçün müxtəlif tədbirlər görülür.

Məsələ ilə bağlı 1news.az-a danışan Milli Məclisin deputatı Məzahir Əfəndiyev deyib ki, hal-hazırda dünya iqtisadiyyatının subyektlərində məhz pandemiyanın gətirdiyi xoşagəlməz, neqativ fəsadlar özünü göstərməkdədir:

“Dünyada gedən tendensiyaların biri də bahalaşma ilə bağlıdır. Pandemiya zamanı məhdudiyyətlərin tətbiq edilməsi eyni zamanda iqtisadi subyektlərin bağlanmasına səbəb olurdu. Bu da işsizlik problemini daha da qabarıq olaraq ortaya qoyurdu. Bununla yanaşı olaraq, o da müşahidə olunmağa başladı ki, dünyada qiymətlər artmağa başladı. Dünya iqtisadiyyatında baş verən hadisə heç şübhəsiz ki, Azərbaycana da öz təsirini göstərdi. Bununla əlaqədar olaraq cənab Prezident də yerli media nümayəndələri ilə görüşdə iqtisadi sahədə olan bir çox məsələlərə toxundu”.

Azərbaycanda bahalaşmanın qarşısını almaqla bağlı Nazirlər Kabineti yanında İşçi Qrupunun yaradıldığını xatırladan M.Əfəndiyev sözügedən Qrupun hazırda əsas iqtisadi dairələrdə məsləhətləşmələr apardıını qeyd edib:

"Bu İşçi Qrupu hökumətin bu günə qədər qəbul etdiyi qərarları nəzərdən keçirir və yeni qərarların qəbul edilməsi ilə bağlı da işlər görür. Düşünürəm ki, qiymət artımı dünyada baş verən proses olduğundan Azərbaycan da bu prosesləri yaxından izləməli, istər yerli imkanlarını, istərsə də iqtisadiyyatda aparılan istiqamətləri tam olaraq nəzarətdə saxlamalıdır”.

Deputat bildirib ki, süni qiymət artımına yol vermək olmaz:

“Süni qiymət artımı ilə ciddi mübarizə aparmaq lazımdır. Nazirlər Kabineti yanında formalaşmış İşçi Qrupu bu məsələni də nəzarətdə saxlayacaq və süni qiymət artıranlarla bağlı da tədbir görüləcək”.

Paylaş:
533

Son xəbərlər

Növbəti köç karvanı Füzuliyə çatıb - YENİLƏNİBBu gün, 11:55Azərbaycanda ötən gün 50 kiloqramdan artıq narkotik aşkarlanıbBu gün, 11:51FHN: Ötən sutka 39 yanğına çıxış olub, 57 nəfər təxliyə edilibBu gün, 11:39Sahibə Qafarova iclasda erməni həmkarı ilə görüşündən danışdıBu gün, 11:29Azərbaycan Mərkəzi Bankının valyuta məzənnələriBu gün, 11:20Azərbaycanlı şagird Harvard Universitetinə qəbul olubBu gün, 11:18PAŞA Qrup şirkətləri tərəfindən Novruz bayramı ərəfəsində növbəti sosial aksiya keçirilib - FOTOBu gün, 11:09Milli Məclisin iclası başlayıb, 21 məsələ müzakirə olunacaq - SİYAHIBu gün, 11:02Quş qripi xəstəliyinə qarşı epizootoloji monitorinq keçiriləcəkBu gün, 10:56Azərbaycanda ilk sosial televiziya fəaliyyətə başlayacaqBu gün, 10:44Xankəndidə avtomat və qumbaralar aşkarlanıbBu gün, 10:35Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıbBu gün, 10:23NYMEX əmtəə birjasında təbii qazın qiyməti artıbBu gün, 10:01Xırdalanda partladıcı və qumbaralar tapılıb - VİDEOBu gün, 09:46Azərbaycan neftinin qiyməti 89 dolları ötübBu gün, 09:44Ötən gün vətəndaşlardan götürülən silahların sayı açıqlandıBu gün, 09:29Beynəlxalq əmtəə, fond və valyuta bazarlarının göstəriciləriBu gün, 09:22Şirvanda saxlanılan şəxsdən 4 kiloqram narkotik vasitə götürülübBu gün, 09:08Bakının bir sıra yollarında nəqliyyatın hərəkətində çətinliklər yaranıbBu gün, 08:58İki ali məktəbə prorektor təyin edilib28 / 03 / 2024, 17:58
Bütün xəbərlər