Moskvada məşhur rəssamın oğlu özünü McDonald's-ın qapılarına qandalladı - FOTO
Fevralın 24-də Rusiyanın Ukraynaya hücumundan sonra dünyanın bir çox ölkəsi bu hücumlara reaksiya verib və Rusiyaya qarşı ağır sanksiyalar tətbiq edib. Bir çox dünya brendləri eyni reaksiyanı göstərərək Rusiyadakı fəaliyyətlərini dayandırın.
ABŞ qida şirkəti olan McDonald's Rusiyadakı bütün restoranlarını bağlamağa başlayıb.
1news.az xarici KİV-lərə istinadən xəbər verir ki, buna etiraz edən məşhur rus rəssamı Nikas Safronovun oğlu Luka Zatravk özünü Moskvanın Puşkin meydanındakı McDonald's filialının qapılarına qandallayıb.
Daha əvvəl 270 kiloluq bədəni ilə ölkədə gündəmə gələn pianoçu Zatravkinin etirazı zamanı "Onları bağlamağa ehtiyac yoxdur. Bağlanmalarının səbəbi nədir? Bu, bütün rus xalqına qarşı düşmənçilikdir. Bu, zorakılıq aktıdır” - deyib.
Luka polis tərəfindən saxlanılıb.
