Ukrayna “Moskva” adlı kreyser gəmisini vurduğunu açıqladı, Rusiya məlumat yaydı
Ukrayna Rusiya Hərbi Dəniz Qüvvələrinə məxsus "Moskva" adlı kreyser gəmisini vurduğunu açıqlayıb.
1news.az "İHA" ya istinadən xəbər verir ki, Ukrayna Prezident ofisinin müşaviri Aleksey Aretoviçin mövzu ilə bağlı verdiyi açıqlamada, "İlan adasını mühasirəyə alan Moskva adlı 510 nəfərlik gəmi vuruldu" ifadələrdən istifadə edilib.
Bundan başqa, Odessa meri Maksim Marçenko mövzu ilə bağlı açıqlama verərək, “Neptun raketləri Rusiya gəmisinə böyük ziyan vurdu. Yaşasın Ukrayna” dedi.
Məsələ ilə bağlı Rusiya Müdafiə Nazirliyindən verilən açıqlamaya görə isə, “Moskva” raket kreyserində yanğın baş verdiyi açıqlanıb.Bildirilib ki, yanğın nəticəsində döyüş sursatları partlayıb, gəmiyə ciddi ziyan dəyib.
Qeyd olunub ki, ekipaj tamamilə təxliyə edilib, yanğının baş vermə səbəbləri araşdırılır.
