Yelena Zelenskaya: Türkiyənin dəstəyini sözdə yox, əməldə gördük

“İndiyədək 973 ukraynalı uşaq Türkiyəyə təxliyə edilib”.

1news.az-ın Report-a istinadla verdiyi xəbərə görə, bunu Ukraynanın birinci xanımı Yelena Zelenskaya “Anadolu”ya müsahibəsində deyib.

“Prezident Rəcəb Tayyib Ərdoğan və xanımı Əminə Ərdoğanla müharibədən əvvəl başlanan dostluğumuz indi daha da güclənib. Uşaqlarımız üçün təhlükəsiz yer axtaranda Türkiyə ən çox üstünlük verdiyimiz ölkələrdən oldu. Bizə bu mövzuda kömək etməsi üçün Əminə xanıma müraciət etdim. Nəticədə Türkiyənin dəstəyini sözdə yox, əməldə gördük”, - o bildirib.