Ukrayna tərəfi Rusiyanın hərbi itkilərini açıqlayıb

Ukrayna Müdafiə Nazirliyi Rusiyanın hərbi itkilərini açıqlayıb.

1news.az Unian.net-ə istinadən xəbər verir ki, qeyd olunub ki, fevralın 24-dən bu gün səhər saatlarına qədər Rusiya Ordusunun 1 122 tankı, 2713 zirehli döyüş maşını, 509 artilleriya sistemi, 172 reaktiv yaylım atəşi sistemi, 84 havadan müdafiə sistemi, 199 hərbi təyyarəsi, 155 helikopteri, 1934 avtomobil texnikası və yanacaq çəni, 11 gəmi/kateri, 341 dronu, 38 xüsusi avadanlığı, 90 qanadlı raketi məhv edilib.
Ukrayna Silahlı Qüvvələrinin Baş Qərargahı Rusiya tərəfinin təxminən 25100-dən çox canlı qüvvəsini itirdiyini bəyan edib.