Yapon alimlərindən yüksək təzyiqin həlli: Duz hissi verən elektrik yemək çubuqları
Yaponiyalı tədqiqatçılar, zəif elektrik axımından istifadə edərək təkminləşdirilmiş yemək çubuqları ilə yeməklərdəki çox az miqdardaki duzun belə dadını süni şəkildə ən az bir yarım dəfə artıraraq gündəlik duz qəbulunu məhdudlaşdırmaq məqsədini daşıyır.
1news.az BBC news –a istinadən xəbər verir ki, dünyada bir ilk kimi təsvir edilən ixtira elektriklə stimullaşdırılan yemək çubuqlarından və biləyə quraşdırılan mini- kompüterdən ibarətdir.
Tokiodakı Meiji Universitetindən Homei Miyaşita və komandasının Yapon qida nəhəngi Kirin ilə birlikdə icad etdikləri çubuqlar, əslində sadə bir sistemə əsaslanır.
İnsana zərər verməyəcək dərəcədə zəif elektrik axımı verilən çubuqlar, yeməkdə olan natrium xlor və natrium qlutamat ionlarını ağıza ötürərək süni bir duz hissi yaradır, yeyilən yeməyin dadının daha güclü və ya zəif qəbuluna yol açır.
Məhsulun hazırlanması zamanı duzu azaldılmış miso şorbasının dadına baxan şəxslər məhsulun yeməyin “zənginliyi, şirinliyini və ümumi dadını” artırdığını söylədi.
Bir yaponiyalının gündəlik aldığı duz miqdarı olan 10 qram duz, Ümumdünya Səhiyyə Təşkilatının tövsiyyəsi olan 5 qramın iki qatıdır.Yaponiya hökuməti duz miqdarını kişilərdə 7,5 qram, qadınlarda da 6,5 qrama endirməyi qarşısına məqsəd kimi qoyub. Çünki bildiyimiz kimi yüksək duz istehlakı infarkt və iflicin ən mühüm səbəbi olan qan təzyiqin yüksəldir.
Elektrik yemək çubuqlarını icad edən Miyaşitanın laboratoriyası hissləri stimullaşdıran texnalagiyadan istifadə edərək müxtəlif sahələrdə araşdırmalarını davam etdirir. Duz artıran yemək çubuqlarının prototipini daha da inkişaf etdirmək və bazara çıxarmaq planlaşdırılır.
Humay Əliyeva
