İsrail vətəndaşlarına hücum etməkdə ittiham olunan 7 iranlı barəsində həbs qərarı verildi

İstanbul Cəza Məhkəməsi Türkiyədə İsrail vətəndaşlarını hədəfə almağı planlaşdırmaq ittihamı ilə həbs edilən 8 iranlı şübhəlidən 7-si barəsində həbs qərarı çıxarıb.

1news.az “Azad İran” Telegram kanalına istinadən xəbər verir ki, İstanbul Prokurorluğunun başlatdığı cinayət işinə əsasən, 5 iranlı şübhəli iyunun 17-də polisin keçirdiyi əməliyyat zamanı “hərbi və ya siyasi casusluq” ittihamı ilə tutulub

İyunun 29-da məhkəmə hakimi müttəhimlər Məcid.N, Əlirza.S, Seyid Mahmud.H, Həsən.H və Məryəm.M-nin həbsi barədə qərar çıxarıb. İstanbul Cəza Məhkəməsi Məryəm.M ilə bağlı səyahət qadağası qoyub və o, şərti azadlığa buraxılıb, digər şübhəlilər isə həbs edilib.

Aparılmış istintaq və dindirmələrin davamında, ikinci əməliyyat iyulun 14-də İstanbulun Taksim meydanındakı otelin ətrafında keçirilib. Həmin əməliyyat zamanı da israilli turistlərə qarşı silahlı sui-qəsd təşkil etməkdə şübhəli bilinən Keyvan.M, əməliyyatı planlaşdırmaqda şübhəli bilinən Camal.C və İman.S tutulublar. Həmin şəxslər dindirildikdən sonra hakimin qərarı ilə həbs olunublar.

Əməliyyat zamanı 3 ədəd tapança, tapançaya taxılan 2 ədəd qara lazer cihazı, 3 ədəd səsboğucu və çoxlu sayda patron ələ keçirilərək götürülüb.

1news.az