Dünyanın ən köhnə cins şalvarı bu qiymətə satıldı - FOTO

Dünyanın ən qədim cins şalvarı olduğu düşünülən şalvar ABŞ-da keçirilən hərracda 114 min dollara satılıb.

1news.az xarici KİV-ə istinadla xəbər verir ki, ağ rəngli cins iş şalvar 1857-ci ildə Şimali Karolina sahillərində batan gəmidə axtarışlar aparılan zaman tapılıb.

Önü düyməli cins şalvarın XIX əsrdə yaşayan mədənçiyə aid olduğu düşünülür.

Hərrac dekabrın 3-də Nevada ştatının Reno şəhərində keçirilib.

Şalvarı satışa çıxaran Kalifornia Qızıl Marketinq Qrupunun icraçı direktoru Deuight Manley, "Bu mədən şalvarı Aydakı ilk bayrağa bənzəyir, tarixi bir anı təmsil edir", - deyə qeyd edib.