Ermənistanda hərbi rütbəli şəxs həbs olundu
Ermənistan Ordusunun ikinci korpusunun sabiq komandiri, Baş Qərargahın Kəşfiyyat idarəsinin eks-rəisi general-mayor Araik Arutyunyan həbs olunub.
1news.az Ermənistan KİV-ə istinadən xəbər verir ki, Arutyunyanı dekabrın 15-də həbs ediblər.
Cinayət işi barədə hələ dekabrın 14-də xəbər verilirdi, lakin prokurorluğun rəsmi məlumatında ittiham olunanın adı, vəzifəsi göstərilmirdi. Prokurorluq qeyd edirdi ki, həmin şəxsin səhlənkarlığı nəticəsində 2021-ci ilin mayın 12-də Azərbaycan Ordusunun irəliləyişinin qarşısını almaq mümkün olmayıb.
“Sputnik Ermənistan” müəyyən edib ki, söhbət məhz Arutyunyandan gedir. O, döyüş növbətçiliyinə dair 5 aprel tarixli əmrinin yerinə yetirilmədiyini bilərək günahkarları cəzalandırmaq və vəziyyəti düzəltmək üçün tədbirlər görməyib.
