“PKK Türkiyə üçün ciddi bir təhdiddir”
“PKK Türkiyə üçün ciddi bir təhdiddir”.
1news.az xəbər verir ki, bunu İsveçin xarici işlər naziri Tobias Billström türkiyəli həmkarı Mövlud Çavuşoğlu ilə birgə keçirdiyi mətbuat konfransında deyib.
“PKK bəlkə də İsveçdə ciddi bir təhdid olmaya bilər, amma Türkiyə üçün çox ciddi bir təhdiddir və biz İsveç hökuməti olaraq bunu çox ciddiyə alırıq.
Təbii ki, individual hallara yox, ümumi vəziyyətə baxmaq vacibdir. Bildiyiniz kimi, ölkəmizdə yeni qanunvericilik qüvvəyə minəcək. Bu isə o deməkdir ki, biz ölkəmizdə terror təbliğatını cinayət hesab edəcəyik. Həmçinin terrorun dəstəklənməsi və təşviqi də cinayət hesab olunacaq”, - nazir qeyd edib.
O vurğulayıb ki, artıq kimsə PKK-nı dəstəkləyən addım atarsa və ya onun təşviqinə və güclənməsinə kömək edərsə, cinayət məsuliyyətinə cəlb olunacaq.
