Media Subyekti adını daşımaq istəyənlər Media Reyestrinə daxil olmalıdır
“Media subyektlərinin Media Reyestrinə daxil olmaq üçün kifayət qədər vaxtları var” .
1news.az xəbər verir ki, bunu Medianın İnkişafı Agentliyinin İcraçı direktoru Əhməd İsmayılov Azərbaycan Respublikası Medianın İnkişafı Agentliyinin 2022-ci ilin yekunlarına dair hesabat konfransında deyib.
“Media subyekti adını daşımaq istəyən qurum Media Reyestrinə daxil olmalıdır. Biz reyestrə daxil olmaq istəyən media qurumları üçün istənilən köməyi etməyə hazırıq” .
Ə. İsmayılov əlavə edib ki, müəyyən edilən vaxta qədər reyestrə daxil edilməyən media subyekti ilə bağlı MEDİA-nın sanksiya qəbul etmək hüququ yoxdur.
"Qanunda göstərilən 6 aylıq müddət bitəndən sonra biz onlar haqqında məsələni məhkəmə qarşısında qaldıracağıq. Həmin media qurumu ilə bağlı məhkəmə qərar qəbul edəcək” .
