Sevinc Fətəliyeva: Azərbaycanın xarici siyasətində Mərkəzi və Şərqi Avropa ölkələri, o cümlədən Macarıstanla ikitərəfli və çoxtərəfli əməkdaşlığın inkişafı vacib yer tutur | 1news.az | Xəbərlər
Siyasət

Sevinc Fətəliyeva: Azərbaycanın xarici siyasətində Mərkəzi və Şərqi Avropa ölkələri, o cümlədən Macarıstanla ikitərəfli və çoxtərəfli əməkdaşlığın inkişafı vacib yer tutur

20:44 - 01 / 02 / 2023
Sevinc Fətəliyeva: Azərbaycanın xarici siyasətində Mərkəzi və Şərqi Avropa ölkələri, o cümlədən Macarıstanla ikitərəfli və çoxtərəfli əməkdaşlığın inkişafı vacib yer tutur

“Azərbaycanın xarici siyasətində Mərkəzi və Şərqi Avropa ölkələri, o cümlədən Macarıstanla ikitərəfli və çoxtərəfli əməkdaşlığın inkişafı vacib yer tutur.

Azərbaycan ilə Macarıstan arasında siyasi əlaqələr yüksək səviyyədədir, ali səviyyədə dialoq mövcuddur. İkitərəfli münasibətlər dostluq, əməkdaşlıq və strateji tərəfdaşlıq ruhunda inkişaf edir. Macarıstan ilə əlaqələrin hərtərəfli inkişaf etdirilməsi ölkəmizin xarici siyasətinin mühüm istiqamətlərindəndir. Bu ölkə Azərbaycanın strateji tərəfdaşı və Avropa İttifaqında ən etibarlı tərəfdaşlarından biridir”.

Bu fikirləri Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva deyib.

Deputat bildirib ki, Azərbaycan Prezidenti İlham Əliyevin Macarıstan Prezidenti xanım Katalin Novakın dəvəti ilə bu ölkəyə rəsmi səfəri ikitərəfli əlaqələrimizin yüksək səviyyədə olduğunu bir daha təsdiqləyir. edib. Bu səfər Prezident İlham Əliyevin dövlət başçısı kimi Macarıstana dördüncü səfəridir. Səfərin məqsədi ölkələrimiz arasında yüksək səviyyədə olan əlaqələrin daha da inkişafına və qarşılıqlı maraq doğuran sahələrdə əməkdaşlığın gücləndirilməsinə töhfə verməkdir. İkitərəfli münasibətlərin gündəliyində olan aktual məsələlərin müzakirəsi məqsədilə Azərbaycan dövlət başçısı Macarıstan Prezidenti xanım Katalin Novak və Baş nazir Viktor Orbanla həm təkbətək, həm də geniş tərkibdə görüşlər keçirib.

Millət vəkilinin sözlərinə görə, Prezidentimizin bu ölkəyə səfəri Azərbaycan-Macarıstan strateji tərəfdaşlığının hərtərəfli və yüksələn xətlə inkişaf etməsinin əyani göstəricisidir. Səfər çərçivəsində bir sıra ikitərəfli sənədlər də imzalanıb. Onların sırasında Azərbaycanın dövlət başçısı və Macarıstanın Baş naziri tərəfindən imzalanan Azərbaycan ilə Macarıstan arasında strateji tərəfdaşlığın gücləndirilməsinə dair Birgə Bəyannamə xüsusi önəm kəsb edir. Bəyannamədə tərəflər ikitərəfli əməkdaşlığın bütün sahələri, həmçinin beynəlxalq və regional məsələlər üzrə strateji dialoqu davam etdirməyə hazırlıqlarını ifadə edirlər. Sənəddə, eyni zamanda, Türk Dövlətləri Təşkilatı (TDT) çərçivəsində əməkdaşlığın bundan sonra da inkişaf etdiriləcəyi qeyd olunaraq, TDT-nin Macarıstandakı Nümayəndəlik Ofisinin fəaliyyəti xüsusi vurğulanır. Qeyd edək ki, 2018-ci ildən Türk Dövlətləri Təşkilatında müşahidəçi olan və təşkilatla əməkdaşlıq əlaqələrinin inkişafına böyük əhəmiyyət verən bu ölkənin Budapeşt şəhərində TDT-nin Nümayəndəlik Ofisi fəaliyyət göstərir. Çoxtərəfli platformada, xüsusilə BMT, ATƏT, NATO, Aİ, Şərq Tərəfdaşlığı, Vişeqrad Qrupu, Türk Dövlətləri Təşkilatı çərçivəsində iki ölkə arasında davamlı əməkdaşlıq əlaqələri inkişaf etdirilir. Həmçinin, “Azərbaycan Respublikasının Şuşa şəhəri və Macarıstanın Vesprem şəhəri arasında dostluq əlaqələrinin təsis edilməsi və mədəniyyət, turizm, şəhərsalma, elm, iqtisadiyyat və ictimai həyatın digər sahələrində əməkdaşlığa dair Anlaşma Memorandumu”nun və digər sənədlərin imzalanması da dostluq əlaqələrimizin növbəti göstəricisidir.

Mətbuata birgə bəyanat zamanı Prezident İlham Əliyev bildirib ki, Azərbaycan və Macarıstan arasında olan dostluq əlaqələri həm ölkələrimiz üçün, həm Avrasiya qitəsi üçün çox böyük önəm daşıyır. Strateji tərəfdaşlığa dair imzalanmış sənədlər onu göstərir ki, həqiqətən Macarıstan və Azərbaycan dost ölkələrdir. Macarıstanın Baş naziri Viktor Orbanın Prezidentimiz haqqında dedikləri isə hər bir azərbaycanlı üçün qürurvericidir. Viktor Orban deyib: “Biz xarici siyasətdə bir-birimizi başa düşürük. Mən son on ildə Prezident Əliyevdən o qədər çox şey öyrənmişəm ki, olduqca mürəkkəb mühitdə ölkəyə necə yaxşı rəhbərlik etmək lazımdır. Əfsuslar olsun ki, onun bütün bildiklərini öyrənə bilmədim. Çünki biz radikal tərəfə meylliyik və o daha mülayim baxışları ilə tanınan siyasi xadimdir. Mən ondan beynəlxalq arenada mülayim şəkildə necə daha da uğurlu olmağı öyrənməliyəm”.

Sevinc Fətəliyeva qeyd edib ki, Macarıstan Azərbaycanla enerji sahəsində də əməkdaşlığa xüsusi önəm verir. Bu ölkə Cənub Qaz Dəhlizi (CQD) layihəsini dəstəkləyir və ona qoşulmaqla bağlı marağını ifadə edib. Macarıstan tərəfi CQD-nin Məşvərət Şurasının illik Nazirlər görüşlərində bir qayda olaraq nazir səviyyəsində təmsil olunur. Prezident İlham Əliyevin bu ölkəyə səfərində enerji sahəsində əməkdaşlıq da diqqət mərkəzində olub. Macarıstan Avropanın enerji təhlükəsizliyinin təminatında ölkəmizin oynadığı mühüm rolu daim təqdir edir. Ümumiyyətlə, dövlətimizin başçısının Macarıstana rəsmi səfəri iki ölkə arasında münasibətlərin inkişafında yeni səhifə açır.

Paylaş:
369

Son xəbərlər

Kamaləddin Qafarov: “Zərifə xanım Əliyevanın həyatı gözəl bir örnəkdir”14 / 04 / 2024, 11:00Bakıda evdə köməksiz vəziyyətdə qalan azyaşlı xilas edilib13 / 04 / 2024, 17:42Tennis üzrə Azərbaycan birinciliyi başa çatıb13 / 04 / 2024, 17:00“Maşın bazarı”nda baş verən yanğında 4 mağaza yanıb - FOTO - YENİLƏNİB 213 / 04 / 2024, 16:33Gürcüstandan Azərbaycana pul köçürmələri 30% artıb13 / 04 / 2024, 16:12Şəmkir su anbarındakı torlar yığışdırıldı13 / 04 / 2024, 15:59Kürdə batan altı yaşlı uşaq və atasının axtarışları davam edir13 / 04 / 2024, 15:41İran israilli iş adamının gəmisini ələ keçirib13 / 04 / 2024, 15:14Ceyhun Bayramov Misirin YUNESKO-nun baş direktoru vəzifəsinə namizədi ilə görüşüb13 / 04 / 2024, 14:37Bakıda bağlı qapı arxasında köməksiz qalmış 3 və 5 yaşlı uşaqlar xilas edilib13 / 04 / 2024, 14:10Bu ilin ilk 3 ayında DSMF-nin xərcləri açıqlanıb13 / 04 / 2024, 13:54AYNA: “İcazə” blanklarının mübadilə və qalıq sayını açıqlayıb13 / 04 / 2024, 13:10Ötən il Azərbaycana gələn 2 milyona yaxın turist buradakı evində gecələyib13 / 04 / 2024, 12:53Sabah 25 dərəcə isti olacaq - Proqnoz13 / 04 / 2024, 12:26Azərbaycan neftinin qiyməti 95 dollara yaxınlaşıb13 / 04 / 2024, 11:47MN: Hərbçilər Vətəni istənilən təhdid və təhlükələrdən qorumaq əzmi nümayiş etdirir13 / 04 / 2024, 11:33Bakıda kafedən içində pul olan çanta oğurlanıb13 / 04 / 2024, 11:04Milli Müdafiə Universitetinin Hərbi Kollecinə tələbə qəbulu davam edir - Təqaüdlə təhsil imkanı13 / 04 / 2024, 10:40DİN: Cinayət törətməkdə şübhəli bilinən 31 nəfər saxlanılıb13 / 04 / 2024, 10:33Xankəndi şəhərində xeyli silah-sursat tapılıb13 / 04 / 2024, 10:09
Bütün xəbərlər