Yaxın qohumu əsgərə narkotik apardı

Aprelin 16-da Dövlət Sərhəd Xidmətinin (DSX) Sərhəd Qoşunlarının “N” saylı hərbi hissəsində keçirilən valideyn görüşü zamanı müddətli həqiqi hərbi xidmət hərbi qulluqçu ilə görüşə gələn yaxın qohumunun əsgərə narkotik vasitə gətirdiyi aşkar olunaraq faktla bağlı qanunamüvafiq tədbirlər görülüb.

Bu barədə 1news.az-a Dövlət Sərhəd Xidmətinin mətbuat mərkəzindən məlumat verilib.

İlkin araşdırma zamanı hərbi qulluqçuya narkotik vasitəni gətirən şəxs barədə aidiyyəti üzrə hüquq-mühafizə orqanlarına və hərbi qulluqçunun valideynlərinə məlumat verilib.

Fakt üzrə araşdırma tədbiri davam etdirilir.