Formula 2-də sprint yarışının qalibi bəlli oldu - Yenilənib
"Formula 2" üzrə Azərbaycan Qran-prisində sprint yarışı yekunlaşıb.
1news.az xəbər verir ki, "Prema Racing"dən Oliver Bearman qalib olub.
"Prema Racing"dən Frederik Vesti ikinci, "Hitech"dən Jak Kroufurd üçüncü yeri tutub.
Sonlara yaxın zərcirvari qəza baş verib və dörd pilot mübarizəni dayandırıb. Ümumilikdə 11 sürücü sonadək yarışa bilməyib.
15:20
"Formula 2" üzrə Azərbaycan Qran-prisinin sprint yarışında üç pilot mübarizəni dayandırıb.
1news.az xəbər verir ki, "Van Amersfoort Racing" komandasından Riçard Verşur, "Campos Racing"dən Ralf Boşunq və "Rodin Carlin"dən Zeyn Meloni sıradan çıxıblar
15:00
Bakıda keçirilən "Formula 2" üzrə Azərbaycan Qran-prisində sprint yarışı başlayıb.
1news.az Report-a istinadla xəbər verir ki, mübarizə təxminən bir saat davam edəcək.
Qeyd edək ki, ikinci dərəcəli pilotların yarışında ötən gün "Prema Racing"dən Oliver Bearman həm sərbəst yürüşdə, həm də sıralama turunda lider olub.
Bakıdakı yarış aprelin 30-da başa çatacaq.
Report
