Milli Məclisin Heydər Əliyevin anadan olmasının 100 illiyinə həsr olunan xüsusi iclası başlayıb

Milli Məclisin Ümummilli Lider Heydər Əliyevin anadan olmasının 100 illiyinə həsr olunan xüsusi iclası başlayıb.

1news.az xəbər verir ki, qonaqları salamlayan Milli Məclisin spikeri Sahibə Qafarova qeyd edib ki, iclasda 228 xarici nümayəndə, o cümlədən 12 ölkənin parlamentinin sədri, 15 ölkə parlamentinin sədrinin müavini, 4 beynəlxalq təşkilatın nümayəndələri iştirak edir.

Qonaqlar ilk olaraq parlamentin foyesində Heydər Əliyevin həyat və yaradıcılığını özündə əks etdirən sərgiyə baxış keçiriblər.