Tanınmış futbolçunun avtomobili Marsel şəhərində oğurlanıb

Fransanın “Marsel” klubunun futbolçusu Dimitri Payenin avtomobili oğurlanıb.

1news.az BFMTV-yə istinadən xəbər verir ki, hadisə Marsel şəhərində baş verib.

Tanınmış fransalı yarımmüdafiəçi icarəyə götürdüyü avtomobili Marsel küçələrinin birində park edib. Ancaq içində 36 yaşlı oyunçunun şəxsi əşyaları ilə birlikdə maşın oğurlanıb. Polis hadisə ilə bağlı araşdırmaya başlayıb.

Qeyd edək ki, Dimitri Paye Fransa çempionatının “Lans”la keçirilən XXXIV tur oyununda rəqibin məşqçisini vurduğu üçün beş oyunluq cəzalandırılıb.