1news.az-ın əməkdaşı 2 piyadanın vurulduğu yoldan çəkiliş etdi - Keçid olub? - ŞƏRH - FOTO - VİDEO

Qafar Ağayev16:35 - 01 / 09 / 2023

Ötən gün Daxili İşlər Nazirliyinin Nəqliyyatı İntellektual İdarəetmə Mərkəzi (NİİM) Bakıda paytaxtın Yasamal rayonu, Mətbuat prospekti ilə Bəxtiyar Vahabzadə küçəsinin kəsişməsində avtomobilin piyadaları vurduğu anın görüntüləri yaymışdı.

Sözügedən video sosial şəbəkələrdə geniş müzakirələrə səbəb oldu. Bəziləri piyadaların keçdiyi ərazidə piyada keçidinin olmaması bildirərək sürücünün günahsız olduğu fikirlərini irəli sürürdülər.

1news.az-ın əməkdaş deyilənləri aydınlaşdırmaq üçün hadisənin baş verdiyi əraziyə gedərək oradan çəkiliş edib. Aydın olub ki, piyadaların keçdiyi ərazidə piyada keçidi olub.

Oxucuları maraqlandıran digər məqam isə avtomobil tərəfindən vurulan qadın yaşayıb-yaşamaması idi

Bakı Şəhər Dövlət Yol Polisi İdarəsindən 1news.az-ın sorğusuna cavab olaraq bildirilib ki, hadisə 29 avqust saat 19:05 radələrində baş verib.

“Hadisə nəticəsində 2 piyada ağır xəsarət alıb. Faktla bağlı araşdırma aparılır”.

Məsələ ilə bağlı danışan nəqliyyat məsələri üzrə ekspert Rauf Ağamirzəyev deyib ki, baş verən hadisə çox üzücüdür, məncə bu məsələ bizi bir daha diqqətli olmağa sövq edir.

“Piyada vurulması, piyada ölümlərinin qarşını almaq üçün həm cərimələr, həm maarifləndirmə, həm də infrastruktur olaraq həllərə yenidən baxmağımızı yenidən baxmağımız gündəmə gətirir. İnsanlar yollarda, küçələrdə hərəkət edən zaman həyatlarını itirməməlidirlər.Sürətlə bağlı sərt nəzarət olunmalıdır. Cərimələr, nəzarət artırılıb. Amma bəzi həllər tətbiq olunmalıdır ki, sürücülər aşağı sürətlə hərəkət etsinlər. Piyada infrastrukturu təftiş olunub maneələr aradan qardırılmalıdır, səki davamlılığı yoxdursa, bu da piyadaların hərəkətini pozacaq və insanlar başqa yol axtaracaq. Avtomobil yolu necədirsə, səkilərdə şərait elə olmalıdır. Bu halda tamam fərqli bir səviyyəyə gəlib çıxa bilərik. Şəhər yollarında piyadaların olması normaldır. Sürücülər də bunu anlamalıdır ki, yol hərəkəti iştirakçılarının ən qorunmayan üzvləri piyadalardır. Avtomobillə hərəkət edərkən sürəti hərbir vəziyyətə uyğun nizamlamalısınız. “Vision zero” konsepsiyası, yəni ölüm hallarına sıfır dözümlülük siyasətində deyildiyi kimi “insan səhv edə bilər, əsas odur bu səhv ölümlə nəticələnməsin. Bu məsələyə birdaha diqqət ayırmalıyıq”.