ADMİU-nun 100 illik yubileyinə həsr olunmuş sərgi keçirilib - FOTO | 1news.az | Xəbərlər
Cəmiyyət

ADMİU-nun 100 illik yubileyinə həsr olunmuş sərgi keçirilib - FOTO

16:10 - 29 / 11 / 2023
ADMİU-nun 100 illik yubileyinə həsr olunmuş sərgi keçirilib - FOTO

Noyabrın 28-də Muzey Mərkəzində Azərbaycan Dövlət Mədəniyyət və İncəsənət Universitetinin (ADMİU) 100 illik yubileyinə həsr olunmuş sərginin açılış mərasimi keçirilib.

1news.az xəbər verir ki, “Yüz ilin rəngləri” adlı sərgi-tədbirdə millət vəkilləri, ölkəmizin müxtəlif ali təhsil ocaqlarının rektorları, tanınmış ictimaiyyət nümayəndələri, incəsənət xadimləri, ADMİU-nun rəhbərliyi, professor-müəllim heyəti və jurnalistlər iştirak ediblər.

Açılış nitqi ilə çıxış edən ADMİU-nun rektoru professor Ceyran Mahmudova bu günün universitet kollektivi üçün bir bayram olduğunu vurğulayıb. Çünki bu gün ADMİU-nun 100 illik yubileyinə həsr olunmuş tədbirlər silsiləsinin növbətisi keçirilir: “2023-cü il ölkəmiz üçün dahi lider, Ulu Öndər Heydər Əliyevin 100 illik yubileyi və cənab Prezidentimiz, Ali Baş Komandan İlham Əliyevin başçılığı ilə Xankəndində Azərbaycan bayrağının ucaldılması ilə əlamətdar oldu. Həmçinin, bu il Mədəniyyət və İncəsənət Universiteti üçün də özünün 100 illik yubileyi kimi mühüm bir hadisə ilə əlamətdar oldu. Bu münasibətlə cənab Prezidentimiz tərəfindən imzalanmış sərəncam isə bizi həm çox sevindirdi, həm qürurlandırdı, həm də böyük bir məsuliyyət yaratdı. Bir il ərzində biz həm Ulu Öndərin, həm də Universitetimizin 100 illik yubileyi münasibəti ilə bir-birindən maraqlı tədbirlər keçirdik. Bugünki “Yüz ilin rəngləri” sərgisi də həmin tədbirlərdən biridir. Mədəniyyət və İncəsənət Universiteti bu 100 ildə müxtəlif rəngləri özündə birləşdirən möhtəşəm bir palitra yaradıb. O palitrada bizim bayrağımızın mavisi, qırmızısı, yaşılı, günəşin sarısı, universitetimizin narıncısı, həmçinin, yolu Mədəniyyət və İncəsənət Universitetindən keçən dahi sənətkarların rəngləri cəm olub. Bu rənglər kəhkəşanında biz ölkəmizin bir əsrlik möhtəşəm mədəniyyətini, incəsənətini, milli-mənəvi dəyərlərini görə bilirik”.

Tədbirdə Azərbaycan Rəssamlar İttifaqının sədri, Xalq rəssamı Fərhad Xəlilov, Rəssamlıq Akademiyasının rektoru Natiq Əliyev, ADMİU-nun Rəssamlıq fakültəsi “Dizayn və dekorativ-tətbiqi sənət” kafedrasının müdiri, professor, Xalq rəssamı, professor Arif Əziz, Xalq rəssamı Xanlar Əhmədov və başqaları çıxış edərək universiteti 100 illik yubileyi münasibəti ilə təbrik edib, onun Azərbaycan incəsənətinin, mədəniyyətinin inkişafındakı əvəzsiz rolundan danışıblar.
Çıxışların ardından Rəssamlıq fakültəsinin “Dizayn və dekorativ-tətbiqi sənət” kafedrasının geyim dizaynı ixtisasının hazırladığı dəfilə təqdim olunub.

Daha sonra isə tədbir iştirakçıları Rəssamlıq fakültəsinin müəllim və tələbələrinin əl işlərindən ibarət olan sərgi ilə tanış olublar.

Sərginin açılış mərasimində iştirak edən millət vəkili Razi Nurullayev belə gözəl bir sərgidən və yetişməkdə olan istedadlı Azərbaycan gəncliyindən məmnunluğunu dilə gətirib: “Bu gün bu tədbirdə olmaqdan böyük sevinc duyuram. Çünki həm gənc dizaynerlərimizin hazırladıqları dəfilə, həm də bu gözəl sərgi ruhumu oxşadı. Mən bir daha əmin oldum ki, ölkəmizdə çox istedadlı gənclər yetişir. Azərbaycan incəsənəti, mədəniyyəti dünya mədəniyyətləri arasında ilk yerlərindən birini tutur. Gənclərimiz bu mədəniyyəti öyrənməli və dünyada təbliğ etməlidirlər. Şadam ki, Mədəniyyət və İncəsənət Universitetində bu cür gözəl şərait yaradılıb və incəsənətimiz tələbələrə layiqincə tədris olunur. Bugünki sərgi bunu bir daha sübut etdi. Mən Azərbaycan Dövlət Mədəniyyət və İncəsənət Universitetini 100 yaşı münasibəti ilə təbrik edir, bu qocaman ali təhsil ocağımıza daha böyük uğurlar arzulayıram”.

Qeyd edək ki, Muzey Mərkəzində açılmış “Yüz ilin rəngləri” adlı sərgi noyabrın 29-na qədər davam edəcək.

Paylaş:
374

Son xəbərlər

Azərbaycan Prezidenti Küveyt Əmirinə məktub ünvanlayıbBu gün, 16:46Azərbaycan XİN Estoniyanı təbrik edibBu gün, 16:34Kəlbəcər istiqamətində mövqelərimiz yenidən atəşə tutulubBu gün, 16:12Xocalı itkinləri mövzusunda çəkilmiş “13” adlı bədii-sənədli filmin təqdimatı olubBu gün, 16:09Dohada Azərbaycan Mədəniyyəti Günləri çərçivəsində qala-konsert olubBu gün, 15:57Ramazan bayramı ilə əlaqədar iş və istirahət günlərinin yerləri dəyişdirilibBu gün, 14:48Ombudsman Xocalı soyqırımının törədildiyi ərazidən dünyaya səsləndi - VİDEOBu gün, 14:35Hadruta 30 il əvvəl götürdüyü gəlinciklə qayıtdı...Bu gün, 14:30Akif Əli Zadə “Azərbaycan Respublikası Prezidentinin fəxri diplomu” ilə təltif edilibBu gün, 14:03Xüsusi təyinatlılar şərti düşmənin yerləşdiyi yüksəkliyə basqın tapşırığını yerinə yetiriblər - VİDEOBu gün, 13:48Türkiyə-Azərbaycan Universiteti ilə bağlı yeni detallar açıqlanıbBu gün, 13:26Hərbi vəzifəlilər atəşin aparılması üzrə tapşırıqları icra ediblər - FOTOBu gün, 12:52Laçın hava limanından yeni görüntülər - VİDEOBu gün, 12:43MN-dəki 143 milyon manatlıq mənimsəmə ilə bağlı məhkəmə: “70 faizini vermişəm, 30 faizi mənə qalıb”Bu gün, 12:30Bazar günü hava necə olacaq? - ProqnozBu gün, 12:19“Qəbələ”nin baş məşqçisi istefa veribBu gün, 12:10İranlı narkotacirlərin ölkəmizdəki növbəti narkokuryeri saxlanılıbBu gün, 11:55Azad olunan ərazilərdə indiyədək aşkarlanan kütləvi məzarlıqların sayı açıqlandıBu gün, 11:42Zakir Həsənov müşavirə keçirib, bölmələrin döyüş hazırlığının yüksəldilməsini tapşırıbBu gün, 11:2214 dərəcəyədək şaxta olub - FAKTİKİ HAVABu gün, 11:22
Bütün xəbərlər