AccessBank-da “VIP Club”-ın rəhbəri: Biz müştərilərimizə eksklüziv bank məhsulları və fərdiləşdirilmiş premium xidmət təklif edirik

11:00 - 16 / 05 / 2024

AccessBank tərəfindən 2023-cü ilin sonunda təqdim olunan VIP Club ən yaxşı maliyyə təcrübəsi ilə diqqəti cəlb etməklə yanaşı, müştərilərinə geniş çeşiddə unikal həllər və üstünlüklər təklif edir.

Bu gün AccessBank-da VIP Club-ın rəhbəri Vüsalə Həsənova onun konsepsiyası, üstünlükləri və müştərilər üçün imkanları haqqında danışacaq.

-Salam, Vüsalə xanım! Sizi bankınızda yeni xidmət növlərini təqdim etməyə başlamanız münasibətilə təbrik edir və AccessBank-da VIP Club yaratmaq ideyasının necə yarandığını və necə inkişaf etdiyini bizə danışmağınızı xahiş edirəm.

- AccessBank Azərbaycanda tamamilə xarici kapitallı yeganə bankdır. Müştəri bazamız həm yerli, həm də xarici müştərilərdən ibarətdir. Biz keyfiyyətli bank xidmətləri təqdim etməklə yanaşı, həm də ən uyğun maliyyə həllərini təklif etmək üçün müştərilərin ehtiyaclarını müntəzəm olaraq təhlil edirik. Bununla göstərilən xidmətlərin çeşidini genişləndirmək üçün biz fərdi bank xidmətləri sahəsində beynəlxalq təcrübəni öyrənmişik.

Xidmətin pilot rejimdə uğurla istifadəyə verilməsindən sonra biz “VIP Club by AccessBank” layihəsini ayrıca bir seqment kimi yaratmaq qərarına gəldik. İxtisaslı kadrlardan ibarət xüsusi ofis təşkil etmişik və VIP xidmətləri göstərmək üçün müştəri bazası formalaşdırmışıq. Biz müştərilərimizə xüsusi şərtlər altında eksklüziv bank məhsulları və xidmətləri, xüsusi endirimlər və fərdiləşdirilmiş premium xidmət təklif edirik. VIP Club üzvləri bir sıra imtiyazlardan, o cümlədən operativ, yüksək keyfiyyətli və ən rahat maliyyə və qeyri-maliyyə xidmətlərini təqdim etmək olan “fərdi bank nümayəndəsi” xidmətindən yararlana bilərlər.

- VIP Club-a necə qoşulmaq olar və üzvlər hansı imtiyazlardan istifadə edirlər?

- VIP Club-a qoşulmaq üçün müəyyən edilmiş meyarlara cavab vermək tələb olunur ki, bu meyarlara həm maliyyə göstəriciləri, həm də digər parametrlər daxil ola bilər. Yüksək gəlirli və ya əhəmiyyətli həcmdə kapitalını bankın idarəçiliyinə vermiş həm yerli, həm də xarici vətəndaşlar VIP Club-ın üzvü ola bilərlər. Üzvlük şərtləri Bankın daxili qaydaları ilə müəyyən edilir. Məhz bu meyarlar üzvlərə öz fərdiliyini hiss etdirir və hər bir müştərini fərdi yanaşma ilə təmin edir. Bundan əlavə, biz xüsusi VIP Club paketləri hazırlamışıq ki, bu da üzvlərə xüsusi seçim imkanı verir.

- Hazırda müştərilərə hansı maliyyə və qeyri-maliyyə xidmətləri göstərilir?

VIP Club üzvünün öz fərdiliyini hiss etməsi üçün ona şəxsi menecer və ya “fərdi bank nümayəndəsi” 24/7 xidmət göstərir. O, yeni məhsullar və tariflər haqqında məlumat verir, sərfəli investisiyalar və vaxta qənaət barədə məsləhətlər verir, həmçinin lazımi maliyyə sənədlərinin hazırlanmasında köməklik göstərir. VIP müştərilər üçün xidmətlər anında və növbəyə durmadan göstərilir. VIP müştərilərin həmçinin maliyyə və investisiya ilə bağlı müxtəlif sahələrdən olan ekspertlərə çıxışı təmin edilir ki, müxtəlif sahələr üzrə peşəkar təcrübəsindən yararlana bilsinlər. “Fərdi bank nümayəndəsi” müştərinin şəxsi köməkçisi kimi fəaliyyət göstərir, onun istəklərinə, planlarına və məqsədlərinə uyğun olaraq investisiya, kreditləşmə və əmanət strategiyalarını inkişaf etdirir.

Müştərilərimiz cari hesabların açılması və aparılması, nağd pulun idarə edilməsi xidmətləri, premium bank kartlarının əldə edilməsi, qiymətli metallarla əməliyyatlar, fərdi seyflərin icarəsi, depozit xidmətləri və kreditlərin verilməsi kimi ənənəvi bank xidmətləri və məhsulları ilə yanaşı, banka etibarın artırılması və həyat tərzinə dəstək kimi xidmətlərdən də yararlanırlar. Buraya müştəri və onun ailəsi üçün səyahət paketlərinin təşkili, viza dəstəyinin alınması, tibbi yardımın təşkili, yaxta və helikopterlərin, bahalı mənzillərin alınmasında köməklik, həmçinin müştərilərin uşaqları üçün təhsil proqramlarının təşkili və investisiya alətləri üzrə məsləhətlər daxildir. Beləliklə, VIP Club üzvləri “fərdi bank nümayəndəsi” simasında həm maliyyə, həm də qeyri-maliyyə məsələlərinin həllində kömək edə biləcək bir məsləhətçi dəstəyinə sahib olurlar.

- VIP Club konsepsiyasının əsas ideyalarından biri investisiyadır. Müştərilər arasında bu imtiyazlardan istifadə edən potensial investorlar varmı?

- Bəli, daha əvvəl də qeyd edildiyi kimi, “fərdi bank nümayəndəsi” VIP Club üzvlərinə investisiya üzrə məsləhət xidmətləri göstərir. “Fərdi bank nümayəndəsi”-in öhdəliklərinə strategiya və investisiya planının hazırlanması, həmçinin VIP müştəri üçün investisiya portfelinin formalaşdırılması daxildir. Hazırda biz Azərbaycanda fəaliyyət göstərən bütün aparıcı investisiya şirkətləri ilə əməkdaşlıq edirik və müştərilərimizə investisiya planlarını həyata keçirməyə dəstək oluruq.

- VIP Club müştərilərin məxfiliyinə zəmanət verirmi və bütün əməliyyatların təhlükəsizliyi hansı səviyyədə təmin edilir?

- Məxfilik bank işinin əsas tələblərindən biridir. VIP müştərilərə, onların fərdi xüsusiyyətləri, risk profili, üstünlükləri və şəxsi şəraiti nəzərə alınmaqla, fərdiləşdirilmiş xidmət göstərilir. Biz hər bir müştəri üçün fərdi həllər təklif edirik və məxfilik prinsipinə ciddi riayət etməyə sadiqik. Bu o deməkdir ki, bank müştərinin məlumatlarını icazəsi olmadan paylaşmır ki, bu da müştərinin təhlükəsizlik hissini gücləndirməyə kömək edir. Hətta müştərini ofisimizə dəvət edərkən belə məxfilik tədbirlərinə riayət olunur. Müştəri məlumatlarını qorumaq üçün ən müasir təhlükəsizlik texnologiyalarından istifadə olunur.

- VIP Club-ın coğrafi əhatəsini, müştəri bazasını genişləndirmək və yeni müştərilər cəlb etmək üçün hansı planlarınız var?

- VIP Club pilot rejimdə fəaliyyətə başlasa da, qısa zamanda geniş yayıldı və müştərilər arasında böyük maraq doğurdu. Müştərilərimizə maliyyə və qeyri-maliyyə xidmətləri göstərməkdə bizə kömək edən tərəfdaşlarımızın sayı hər gün artdığından, müştəri bazamızda əhəmiyyətli artım gözləyirik. Bu baxımdan biz yeni məhsul və xidmətlərin yaradılması üzərində işləyirik. Bununla belə, məqsədimiz təkcə müştərilərin sayını artırmaq deyil, həm də strategiya və konsepsiyamızın əsas məqsədi müştərilərə yüksək keyfiyyətli VIP xidmətlər təqdim etməkdir.

Biz yüksək səviyyədə müştəri məmnuniyyətini təmin etmək üçün daim çalışırıq. Bu bizim əsas vəzifəmizdir.