Qırğızıstan Joqorku Keneşinin sədrinin başçılıq etdiyi nümayəndə heyəti Füzuli və Şuşa şəhərlərində olub | 1news.az | Xəbərlər
Siyasət

Qırğızıstan Joqorku Keneşinin sədrinin başçılıq etdiyi nümayəndə heyəti Füzuli və Şuşa şəhərlərində olub

Qafar Ağayev16:51 - 05 / 06 / 2024
Qırğızıstan Joqorku Keneşinin sədrinin başçılıq etdiyi nümayəndə heyəti Füzuli və Şuşa şəhərlərində olub

Azərbaycanda rəsmi səfərdə olan Qırğız Respublikası Joqorku Keneşinin sədri Nurlanbek Şakiyevin başçılıq etdiyi parlament nümayəndə heyəti iyunun 5-də Füzuli və Şuşa şəhərlərində olub.

Milli Məclisin Mətbuat və ictimaiyyətlə əlaqələr şöbəsindən 1news.az-a verilən məlumata görə, əvvəlcə nümayəndə heyəti Füzuli Beynəlxalq Hava Limanı ilə tanış olub. Sonra qonaqlar Füzuli şəhərinə gəliblər. Onlara Ermənistan tərəfindən 30 ilə yaxın işğal altında saxlanılmış Füzulidə törədilən dağıntılar, vandalizm aktları barədə məlumat verilib. Bildirilib ki, erməni vandalları işğal etdikləri digər şəhər və kəndlər kimi, Füzuli şəhərini də talayıb, yer üzündən siliblər. İşğal dövründə bütün evlər, infrastruktur, sosial obyektlər dağıdılıb, təsərrüfatlar məhv edilib.

Qonaqlara rayon işğaldan azad edildikdən sonra Füzuli şəhərində Baş plana uyğun olaraq Azərbaycan dövləti tərəfindən həyata keçirilən genişmiqyaslı bərpa-quruculuq işləri barədə məlumat verilib. Şəhərdə ilk yaşayış məhəlləsinin inşasının yekunlaşdığı və keçmiş məcburi köçkünlərin öz doğma yurdlarına qayıdışının başlandığı bildirilib.

Sonra qırğız nümayəndə heyəti Şuşa şəhərinə yola düşüb.

Qonaqların Şuşaya səfəri Azərbaycanın tanınmış şəxsiyyətləri olan Natəvanın, Bülbülün və Üzeyir Hacıbəylinin güllələnmiş heykəllərinin yerləşdiyi şəhər mərkəzi meydanı ilə tanışlıqdan başlayıb.

Qırğızıstan nümayəndə heyətinə Şuşa şəhərinin tarixi, işğal dövründəki vəziyyəti və burada aparılan quruculuq işləri barədə məlumat verilib.

Sonra nümayəndə heyəti Yuxarı Gövhərağa məscidi, qala divarları ilə tanış olublar. Sonda Cıdır düzünə gələn qonaqlar oradan açılan gözəl mənzərəni seyr ediblər.

Səfərdə qonaqları Milli Məclisin Əmək və sosial siyasət komitəsinin sədri, Azərbaycan-Qırğızıstan parlamentlərarası əlaqələr üzrə işçi qrupunun rəhbəri Musa Quliyev, ölkəmizin Qırğızıstandakı səfiri Lətif Qəndilov və digər rəsmi şəxslər müşayiət ediblər.

Paylaş:
182

Son xəbərlər

Masallıda doğuma girən 17 yaşlı gəncin körpəsi öldü - Araşdırma aparılırBu gün, 13:27İndiyədək qan verən şəxslərin sayı açıqlanıbBu gün, 13:15XƏBƏRDARLIQ: Bəzi çaylardan sel keçəcəkBu gün, 13:12Azərin “bozqurd“ işarəsi göstərdi, Ərdoğan reaksiya verdiBu gün, 12:38Sabahın havası açıqladıBu gün, 12:34ASCO tankerləri bu ilin 6 ayında nə qədər yük daşıyıb?Bu gün, 12:15Zakir Həsənov Qazaxıstana səfər edib - FOTO - VİDEOBu gün, 12:13“YAŞAT” Fondu şəhid övladları üçün Antalyada düşərgə reallaşdırır - FOTOBu gün, 12:00Psixoloq: “Valideynlər istəyirlər ki, uşaqların başı səhərdən axşama kimi kitabdan qalxmasın, amma...” - XƏBƏRDARLIQBu gün, 11:29İcbari tibbi sığorta ilə 182 000-dən artıq doğuş aparılıbBu gün, 11:06NİİM-dən qəza zamanı avtomobili saxlayıb çəkiliş edənlərə ÇAĞIRIŞBu gün, 11:03Bu il ADY-yə məxsus qatarlara 25 dəfə daş atılıbBu gün, 10:49Visa ABB-nin layihələrini mükafatlandırdıBu gün, 10:45“Qarabağ” bu gün Avstriyada 2 oyun keçirəcəkBu gün, 10:3722,4 min nəfərə proaktiv pensiya təyinatı aparılıbBu gün, 10:31Qanunsuz balıq ovu ilə məşğul olan şəxs saxlanılıbBu gün, 10:29Azərbaycanın ornitoloji turizm imkanları “Global Bird Fair” sərgisində tanıdılıb - FOTOBu gün, 10:25“Tiffany & co.” yeni yüksək zərgərlik kolleksiyasını Monakoda təqdim etdi - FOTOBu gün, 10:23ABŞ Dövlət Departamenti: Azərbaycan və Ermənistan Vaşinqton görüşündə irəliləyiş əldə edibBu gün, 09:55Gəncədə köməksiz vəziyyətdə qalmış azyaşlı xilas edilib - VİDEOBu gün, 09:40
Bütün xəbərlər